Yusif Rzayev

Yusif Rzayev (d.12 yanvar 1968(1968-01-12), Rəncbərlər kəndi, Ağcabədi) — Əməkdar jurnalist, “525-ci qəzet”in baş redaktorunun müavini .

Həyatı

1968-ci il yanvar ayının 12-də Ağcabədi rayonunun Rəncbərlər kəndində anadan olub. 1975-ci ildə Rəncbərlər kənd orta məktəbinin birinci sinifinə gedib, 1985-ci ildə S.Bayramov adına Ağdam şəhər 1 saylı orta məktəbi bitirib. 1986-cı ildə Bakı Dövlət Universitetinin Jurnalistika fakültəsinə daxil olub. 1987-1989-cu illərdə Moskva vilayətində hərbi xidmətdə olub. 1993-cü ildə Bakı Dövlət Universitetinin Jurnalistika fakültəsini bitirib.

Jurnalist kimi əmək fəaliyytəinə 1990-cı ilin avqust ayıdan “Ədalət” qəzetində müxbir kimi başlayıb. Sonralar “Müxalifət” qəzetində müxbir, şöbə müdiri, “Respublika” qəzetində baş redaktor vəzifələrində işləyib. 1992-ci ilin noyabrında təsis edilən və nəşrə başlayan “525-ci qəzet”in ilk redaktoru olub. Hazırda “525-ci qəzet”in baş redaktorunun müavinidir. Bu illər ərzində respublikanın ayrı-ayrı mətbuat olrqanlarına müxtəlif yazılarla çıxış edib. Azərbaycan Mətbuat Şurasının Ali Media Mükafatına layıq görülüb. 2015-ci ildə Azərbaycan Prezidentinin sərancamı ilə “Əməkdar jurnalist” fəxri adı ilə təltif edilib.

Ailəlidir. İki övladı var.