Wilhelm von Hindenburg
19th century physician and obstetrician of German heritage who practiced medicine in Minsk.
Biography
Lists
Also Viewed
The basics
Quick Facts
| Intro | 19th century physician and obstetrician of German heritage who practiced medicine in Minsk. | |
| A.K.A. | Wilhelm Pastorius von Hindenburg Wilhelm Pastorius von Hindenburg-Hirtenberg Wilhelm Paul von Hindenburg Wilhelm Hindenburg Wilhelm Pastoryus de Hindenburg | |
| A.K.A. | Wilhelm Pastorius von Hindenburg Wilhelm Pastorius von Hindenburg-Hirtenberg Wilhelm Paul von Hindenburg Wilhelm Hindenburg Wilhelm Pastoryus de Hindenburg | |
| Places | Russia | |
| was | Physician Obstetrician | |
| Work field | Healthcare | |
| Gender |
| |
| Birth | 1799, Minsk, Belarus | |
| Death | 18 February 1877Minsk, Belarus (aged 78 years) |
The details
Biography
Васіль (Вільгельм) Данілавіч Гіндэнбург (Hindenburg; 1799—1877) — беларускі медык і грамадскі дзеяч. Больш за 30 гадоў працаваў акушэрам губернскай урачэбнай управы.
Біяграфія
Васіль Гіндэнбург нарадзіўся ў 1799 годзе ў горадзе Мінску. Медыцынскую адукацыю атрымаў на медыцынскім факультэце Віленскага ўніверсітэта, які скончыў у 1821 годзе, пасля чаго займаўся ўрачэбнай практыкай у Мінскай губерні.
У 1825 годзе прызначаны павятовым урачом Ельнінскага павета(руск.) бел. Смаленскай губерні, тут ён лячыў Міхаіла Іванавіча Глінку, які называе яго ў «Цыдулках» сваіх «добрым нашым павятовым доктарам»).
З 6 лютага 1833 года прызначаны акушэрам Мінскага медыцынскага праўлення, на апошняй пасадзе працаваў да 1865 года.
У 1840 годзе В. Д. Гіндэнбург заняў таксама пасаду турэмнага ўрача.
Васіль Данілавіч Гіндэнбург памёр у беднасці 18 лютага 1877 года ў родным горадзе, быў пахаваны на сродкі, сабраныя ўдзячнымі пацыентамі.
У «Дзённіку пісьменніка» Ф. М. Дастаеўскага (сакавік, глава трэцяя) маецца запіс «Похороны общечеловека», у якой пісьменнік цытуе ліст жыхаркі горада М. [Мінска] спадарыні Л. [Соф’і Лур’е] пра пахаванне доктара Гіндэнбурга. У ім В. Гіндэнбурга характэрызуюць як выключнага спецыяліста і чалавека.
Грамадская дзейнасць і пісьменніцкая дзейнасць
Быў членам Віленскага медыцынскага таварыства. Адзін з заснавальнікаў Мінскага таварыства ўрачоў, з 1875 года яго прэзідэнт.
Аўтар артыкулаў, апублікаваных у выданнях таварыства. Браў удзел у дзейнасці дабрачынных арганізацый Мінска, ахвяраваў грошы і рэчы немаемным хворым, беднякоў лячыў бясплатна.
В. Гіндэнбург быў адным з дзейных членаў мінскай лютэранскай абшчыны, ахвяраваў грошы на будаўніцтва новай мураванай кірхі. Нягледзячы на лютэранскае веравызнанне, сам прапанаваў арганізаваць бальніцу пры Мінскім духоўным вучылішчы і быў згодны прыняць на сябе лячэнне вучняў бясплатна, калі толькі будуць прадастаўлены медыкаменты.
Карыстаўся такой папулярнасцю ў грамадстве, што ў 1871 годзе, калі споўнілася 50-годдзе яго дзейнасці, у Мінскай мужчынскай гімназіі была заснавана стыпендыя яго імя.
Сям’я
Сын В. Д. Гіндэнбурга, Вільгельм Вільгельмавіч, у гады навучання ў Маскоўскім універсітэце быў настаўнікам дзяцей будучага маскоўскага мітрапаліта Інакенція(руск.) бел., вядомага сваёй місіянерскай дзейнасцю на Алеуцкіх астравах. Вільгельм так прасякнуўся яго аўтарытэтам, што ў канцы жыцця прыняў праваслаўе — раней была супраць сям’я — і атрымаў імя Васіль.
У літаратуры
Стаў прататыпам доктара па прозвішчу Герцэнштубэ ў рамане Ф. М. Дастаеўскага «Браты Карамазавы(руск.) бел.». Між іншым, персанаж лагодна частуе хлопчыка арэхамі і вучыць парачцы нямецкіх слоў, пры гэтым падымае ўверх палец — гэты жэст, па ўспамінах яго пляменніцы, быў уласцівы і самому Гіндэнбургу.
Зноскі
- ↑ Гинденбург, Василий Данилович // Русский биографический словарь : в 25-ти томах. — СПб.—М., 1896—1918.
- ↑ «Записки» M. И. Глинки
- ↑ Крючок, Г. Р. Очерки истории медицины Белоруссии / Г. Р. Крючок. — Минск : Беларусь, 1976. — С. 95
- ↑ Wielka encyklopedya powszechna ilustrowana, t. 27-28, Warszawa, 1901. S.995.
- ↑ Вадим Зеленков. Род Спасовичей в Минске // «Асоба i час». Беларускi бiяграфiчны альманах. — Выпуск 5. — Мiнск: «Лiмарыус». — 2013. — С. 328—344.
- ↑ Кто они — белорусские немцы? (руск.)
- ↑ Братья Карамазовы (Достоевский). Книга двенадцатая. III
Літаратура
- Дитлов, А. Врач из города // Неман. — 1973. — № 1. — С.
- Ігнатовіч, Ф. Гіндэнбург Вільгельм Данілавіч / Фёдар Ігнатовіч //Энцыклапедыя гісторыі Беларусі. У 6 т. Т. 3: Гімназіі — Кадэнцыя / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1996. — 527 с.: іл. ISBN 985-11-0041-2. — С. 6.
- «Wielka encyklopedya powszechna illustrowana», XXVII—XXVIII, 995;
- Памятныя кніжкі Мінскай губерні адпаведных гадоў
Слоўнікі і энцыклапедыі | |
|---|---|
Слоўнікі і энцыклапедыі |