Waldemar Uhde

Waldemar Uhde (* 25. Januar 1876 in Groten Garmslä bi Oscherslewwe, † 31. März 1931 ok dor) was en plattdüütschen Schriever un Koopmann.

Lieven

Uhde was de Suhn van′n Koopmann in Groten Garmslä un ging na dat Otto-von-Guericke-Gymnasium in Meideborg. Vör dem dat he sien Abituur maken konn, moss Uhdesik, vanwegen sien süken herte, en un en halv Johr rehabiliteern. Na düsse Tied fing he an in sienen Vadder sienen Laden,den he läter auk övernamm, to arbeden. In’n Johre 1903 maak Uhde sien eerstet plattdüütsket Gedicht publiek. Foidere Gedichte in Dagbläddern folgen. 1907 bröch de Verleger Gustav Krüger in Eilslä den Gedichtband Himmelssnettelken rut. 1913 wurr sien plattdüütsken Romaan “Dat Russenjahr” riutbröcht. Baule kammen auk noch annere Böker van em rut, os Heer und Heimat – ein Kriegs- und Bördebuch (1916) un de haugdüütske Romaan “Wittenföhr” in’n Johre 1921 even so os en Berg van Gedichten, Vertellsels, Dööntjes in Klennern un Dagbläddern.

He maak sik sümst den 31. März 1931 daud. Wat Uhde naloten hett is vandage in′n Börde-Museum in Unndörp to finnen.

Werke

• Himmelssnettelken: Gedichte aus der Börde. Zacharias, Magdeburg-N. [1907]. - 89, II S.V
• Dat Russenjahr (1813) : Geschichte von ein Bördedarp un sine Lühe. Lenz, Leipzig 1913. - 110 S.
• Heer un Heimat: Platt- un hochdütsche Geschichten ut de Börde un ut't Feld. Lühr & Dircks, Garn [1916]. - 79 S.
• Mundart-Gedichten / von Waldemar Uhde. Mit 2 Musikbeil. von Albrecht Schimmel. Köppel, Oschersleben 1925. - 34 S. - (Heimatbilder aus dem Bodeland ; 4)

Borns

• Magdeburger Bipgraphisches Lexikon (MBL), Indrag to Waldemar Uhde (upropen den 9.März 2016)
• Seelmann, Ernst; Seelmann Wilhelm: Die plattdeutsche Literatur des neunzehnten und zwanzigsten Jahrhunderts. Biobibliographische Zusammenstellung.Nn: Niederdeutsches Jahrbuch, Jg. 28, 1902, S. 82

Weblenken

• Waldemar Uhde in de PBuB (hoochdüütsch)