Vramshapouh Tadevosyan

Վռամշապուհ Սամսոնի Թադևոսյան (1900, հոկտեմբերի 2 (հոկտեմբերի 15) , Վերին Ագուլիս - 1979, օգոստոսի 18, Մոսկվա), հայ իրավաբան, պետական աշխատող։ Իրավաբանական գիտությունների դոկտոր (1959), պրոֆեսոր (1962)։ ՌԽՖՍՀ գիտության վաստակավոր գործիչ (1974)։

Փիլիսոփայական գիտությունների դոկտոր, պրոֆեսոր Էդուարդ Թադևոսյանի հայրն է։

Կենսագրություն

1925 թվականին ավարտել է Մոսկվայի պետական համալսարանը։ 1925-1927 թվականներին աշխատել Է ՌԽՖՍՀ գերագույն դատարանում, 1932-1935 թվականներին՝ արդարադատության ժողկոմատում, 1935-1952 թվականներին՝ ԽՍՀՄ դատախազությունում։ 1946 թվականին Տոկիոյի դատավարության մասնակից՝ որպես ԽՍՀՄ պետական մեղադրողի օգնական։ 1948-1949 թվականներին՝ ՀԽՍՀ դատախազ, 1927 թվականից՝ միաժամանակ դասավանդել է ՄՊՀ-ում, 1939-1940 թվականներին՝ ռազմաիրավաբանական ակադեմիայում, 1948-1949 թվականներին՝ ԵՊՀ-ում, 1952 թվականից՝ ԽՍՀՄ ԳԱ Պետության և իրավունքի ինստիտուտի գիտաշխատող, 1958-1963 թվականներին՝ տնօրենի տեղակալ, 1960-1963 թվականներին՝ քաղաքական գիտությունների խորհրդային ընկերակցության նախագահ։
Աշխատությունները վերաբերում են քաղաքացիական, ընտանեկան իրավունքների դատախազական հսկողության հարցերին։

Երկեր

• Новое советское законодательство о браке и семье, М., 1972;
• Охрана прав несовершеннолетних, М., 1974;
• Укрепление социалистической законности в народном хозяйстве, М., 1980.
• Права сторон в гражданском процессе, БГУ, 1973.
• Права и обязанности родителей в Советском государстве, 1947.
• Разрешение хозяйственных споров, 1968.

Ծանոթագրություններ