Vladimir Egorovitsj Medin

Медин Владимир Егорович - Социалистік Еңбек Ері (1948), механик. 1913 жылы Ресейде, Рязань облысы, Зеленое селосында туған.

Еңбек жолы мен жетістігі

• 1931 жылы Қазақстанға қоныс аударып, 18 жасынан бастап Талдықорған облысы (қазіргі Алматы облысы), Қаратал күріш совхозында тракторшы болып еңбек етті.
• 1934 жылы тракторшылар бригадасының бригадирі және жөндеу базасының меңгерушісі болады.
• 1938 жылы совхохдың бөлімше механигі болып тағайындалады.
• 1942 жылы Үштөбе МТС-на аға механик болып ауысып, Үштөбе МТС-ын республика бойынша алдыңғы қатарлы МТС-тың бірі етеді:
  • барлық 17 колхозда астық дәнді дақылдар үшін сүдігер 20 см тереңдікте, ал қант қызылшасы үшін 25-27 см тереңдікте жыртылып, тырмалау қатар жүргізіледі;
  • трактормен 5784 гектар жердің орнына 6304 гектар сүдігер жер жыртылады;
  • қант қызылшасы мен астық дәнді дақылдар қысқа уақыт, 8 жұмыс күні аралығында 3383 гектардың орнына 4159 гектар жерге егіледі;
  • сапалы жөндеу жұмыстарының арқасында МТС комбайнмен өнім жинау жоспарын 140%-ке орындайды.

Наградалары

• "Құрмет белгісі" ордені
• Ленин ордені
• "Орақ пен Балға" алтын медалі
• Социалистік Еңбек Ері (1948)
• Медальдар

Дереккөздер

1. ↑ Герои Социалистического труда по полеводству Казахской ССР. Алма-ата. 1950. 412 стр

Сыртқы сілтемелер

• История народов Средней Азии