Viktor Kononov

Кононов Виктор Сергеевич (1922-жылы туулган, РСФСР, Орёл облусу) – медицина илимдеринин доктору (1970), профессор (1972). Кыргыз Мамлекеттик Медицина институтун бүтүргөн (1950). Кыргыз Республикасынын эмгек сиңирген врачы (1984) жана илимге эмгек сиңирген ишмери (1995). 1997-жылдан Кыргыз Мамлекеттик Медицина академиясында профессор болуп иштеген. Балдар хирургиясы, травматология жана ортопедия боюнча адис. 350дөн ашык илимий эмгек, анын ичинде 3 монография, 9 ойлоп табуусу бар. Кызыл Жылдыз ордени, «Даңк» медалы менен сыйланган. Эмгектери: Гематогенный остеомиелит у детей. М., 1974.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9