Viktor Abashev

Абашев Виктор Петрович (в. 12.3.1951 УАССР-ысь Вавож ёросысь Пижил станциын (али со Сюмси ёросэ пыре), географияя дышетӥсь, калыкез югдытон удысысь отличник (1993). Удмурт университетэз (1976) но Марксизмъя-ленинизмъя университетэз (1981) быдтӥз. 1976 арысен Какмож шор ёзо школаын — географияя дышетӥсь, 1977–1985 аръёсы Лымшор какмож шор ёзо школаын директор, 1985–1987 аръёсы– Какможысь леспромхозысь парткомлэн секретарез, 1987–1998 аръёсы– Какмож шор ёзо школаын директор, 1998 арысен – Вавож ёросысь администраци йырлэн 1-тӥ воштӥсез.

Виктор Петровичез усто кивалтӥсен нимало: солэн сюлмаськемезъя, пе, Какмож шор ёзо школаын интернат, мастерскойёс, суредан устолыкъя, информатикая кабинетъёс усьтэмын, сиськонни паськытатэмын. Брызгаловоысь но Какможысь гурт кенешъёслэн депутатсы. Пусъемын Удмурт республикаысь калыкез дышетонъя министерстволэн (1997), правительстволэн (1995), Федерациысь калыкез уже интыянъя кун службалэн Удмурт Республикая департаментэзлэн (2003) данъян грамотаосынызы.