Varazdat Gevorgyan
Armenian pedagogue
Biography
Lists
Also Viewed
The basics
Quick Facts
The details
Biography
Վարազդատ Գեղամի Գևորգյան (1920, Սարուխան, Նոր Բայազետի գավառ), հայ մանկավարժ, Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) գործողությունների մասնակից։
Կենսագրություն
Վարազդատ Գևորգյանը ծնվել է 1920 թվականին, Կամոյի շրջանի Սարուխան գյուղում։ 16 տարեկանում ավարտելով միջնակարգ դպրոցը, ընտրել է մանկավարժի աշխատանքային ուղին։ 1936-1938 թվականներին աշխատել է իր ծննդավայրի՝ Սարուխան գյուղի միջնակարգ դպրոցում։ 1938 թվականին ընդունվել է Երևանի պետական մանկավարժական ինստիտուտի լեզվագրական ֆակուլտետը։
Ուսումնառությունը կիսատ թողած՝ 1941 թվականի օգոստոսին մեկնել է մասնակցելու Գերմանա-խորհրդային պատերազմին։ Սովորել է Թելավի հետևակային ուսումնարանում, որն ավարտելուց հետո, լեյտենանտի կոչումով, նշանակվել է 89-րդ հայկական հրաձգային դիվիզիայի 390-րդ գնդում, դասակի հրամանատար։ 1942 թվականի օգոստոսին դիվիզիայի կազմում մեկնել է ռազմաճակատ։ 1943 թվականի հունվարին նշանակվել է վաշտի հրամանատար, փետրվարի 10-ին, թշնամու դեմ մղված մարտերից մեկում, Հյուսիսային Կովկասում, Նովո Ջերելովկա ստանիցայի մոտ, ծանր վիրավորվել է և տեղափոխվել դաշտային հոսպիտալ, այնուհետև բուժվելը շարունակել է Տաշքենդում, որտեղից էլ վերադարձել է տուն։ Գևորգյանը պարգևատրվել է «Արիության համար», «Մարտական ծառայությունների համար», «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» և այլ մեդալներով։
1943 թվականից Գևորգյանն աշխատել է Կամոյի շրջանի դպրոցներում որպես տնօրեն, ուսմասվար։ 1947 թվականին էքստեռն կարգով ավարտել է Երևանի մանկավարժական ինստիտուտը, աշխատանքի անցել Սարուխանի միջնակարգ դպրոցում։
Պարգևներ
- «Արիության համար» մեդալ
- «Մարտական ծառայությունների համար» մեդալ
- «1941-1945 թթ. Հայրենական մեծ պատերազմում Գերմանիայի դեմ տարած հաղթանակի համար» մեդալ