Tatyana Dasayeva

Таццяна Мікалаеўна Дасаева (нар. 27 ліпеня 1951, в. Старцавічы, Слуцкі раён, Мінская вобласць) — беларускі літаратуразнавец, крытык. Доктар філалагічных навук (2003), прафесар (2003).

Біяграфія

Скончыла Беларускі дзяржаўны ўніверсітэт (спецыяльнасць «Беларуская і руская мова і літаратура», 1973), Інстытут літаратуры АН БССР (аспірантура, 1977). Навуковыя інтарэсы: даследаванне мастацкай прозы і публіцыстыкі; гісторыя журналістыкі; літаратурная, навуковая і журналісцкая дзейнасць М. Гарэцкага. Працуе ў Беларускім дзяржаўным універсітэце (Інстытут журналістыкі, кафедра замежнай журналістыкі і літаратуры, загадчыца кафедры).

Узнагароды

Ганаровыя граматы Міністэрства адукацыі Рэспублікі Беларусь (2004), Міністэрства інфармацыі Рэспублікі Беларусь (2006).

Зноскі

Літаратура

• Дасаева Таццяна Мікалаеўна // Беларуская энцыклапедыя : у 18 т. — Мінск, 1998. — Т. 6. — С. 60.
• Дасаева Татьяна Николаевна // Республика Беларусь : энциклопедия : [в 7 т.]. — Минск, 2008. — Т. 3. — С. 305.
• Дасаева Таццяна Мікалаеўна // Беларускія пісьменнікі : біябiблiяграфічны слоўнiк : у 6 т. — Мінск, 1995. — Т. 6. — С. 575.