Swargajyoti Barooah

স্বৰ্গজ্যোতি বৰুৱা (ইংৰাজী: Swargajyoti Barooah), বিয়াৰ আগত স্বৰ্গজ্যোতি দত্ত, এগৰাকী অসমীয়া অভিনেত্ৰী। ১৯৩৫ চনত মুক্তিপ্ৰাপ্ত প্ৰথম অসমীয়া চলচ্চিত্ৰ জয়মতীত তেওঁ শিশুশিল্পী হিচাপে অভিনয় কৰিছিল। চলচ্চিত্ৰখন প্ৰযোজনা আৰু পৰিচালনা কৰিছিল ৰূপকোঁৱৰ জ্যোতিপ্ৰসাদ আগৰৱালাই আৰু অভিনয় কৰিছিল আইদেউ সন্দিকৈ, ফণী শৰ্মা ইত্যাদি শিল্পীয়ে। ১৯৩৩ আৰু ১৯৩৫ চনৰ মাজৰ সময়ছোৱাত ছবিখনৰ শ্বুটিং হৈছিল। তেওঁ বোলছবিখনত ডালিমীৰ ভূমিকাত অভিনয় কৰিছিল।

স্বাস্থ্যজনিত কাৰণত তেওঁৰ কম বয়সতে মৃত্যু হয়। তেওঁ গোলাঘাটৰ তাৰা প্ৰসাদ বৰুৱাৰ লগত বিবাহপাশত আৱদ্ধ হৈছিল। তাৰাপ্ৰসাদ বৰুৱা আছিল স্কটিছ চাৰ্চ কলেজৰ প্ৰাক্তন ছাত্ৰ, কলিকতা বিশ্ববিদ্যালয়ৰ স্বৰ্ণপদক লাভকৰোঁতা, এজন নামজ্বলা উকীল আৰু লগতে অসমৰ তাম্ৰপত্ৰ লাভ কৰা এজন স্বাধীনতা সংগ্ৰামী।

তথ্যসূত্ৰ

বাহ্যিক সংযোগ

• স্বৰ্গজ্যোতি বৰুৱা সম্পৰ্কে ইণ্টাৰনেট মুভি ডাটাবেছত থকা তথ্য।