Swaantsje Monderman

Swaantsje Monderman, alias Swaantsje Duursma (Weinterp, 29 desimber 1928 - Burgum, 13 desimber 2007), wie in Frysk dichteresse. Hja waard bekend foar it ferstjerren fan har earste man Haitze Duursma doe't hja noch Swaantsje Duursma-Monderman hiet. Letter boaske hja oan Harm Zeinstra. Swaantsje Duursma is lykwols har skriuwersnamme bleaun.

Swaantsje skreau fan jongsôf ferzen en gelegenheidswurk at it har frege waard. Yn 1983 stie der in fraachpetear fan Froukje Annema mei Swaantsje Duursma-Monderman yn Frysk & Frij en doe rekke hja earst wat mear bekend. Op oanstean fan Annema sammele se materiaal foar in bondel, dat waard Foar dei en foar dage. Swaantsje Duursma har wurk is tige tagonklik, hja brûkt ienfâldige taal. Har ynspiraasje fûn se yn de natoer en yn har kristlik leauwe.

Hja publisearre fersen yn 'e Friesche Koerier (al yn de jierren 1950), De Friesche Kerkbode, Fryske Skriuwerskalinder, Frysk en Frij en de Ljouwerter Krante en der binne ferskate dichtbondels fan har publisearre.

Wurk

Poëzy:

• 1985 : Foar dei en foar dage
• 1987 : Der stiet in spylman foar ús doar
• 1991 : Skientme rûnom
• 1995 : It gers dat bloeit
• 1998 : Dizze dei
• 2000 : Reiden oan ’e stream : fersen
• 2002 : Zegen op zegen : ferzen
• 2007 : Blide oeren : hûndert fersen