Stanislav Belov

Stanislavo Belov (ruse Станислав Леонидович Белов; naskiĝis la 25-an de septembro 1974, Tjumeno, Rusio) estas rusa historiisto kaj publikrilatisto. Li loĝas en urbo Tjumeno (Rusio). De 1995 ĝis 2010 li laboris en loka muzeo kaj ekde 2010 estras la PR-sekcion en TjumenNIIgiprogazo (filina firmao de Gazpromo). Li estas aŭtoro de proksimume 30 sciencaj artikoloj pri historio de Tjumena provinco kaj muzeologio. Samtempe ekde 2002 ĝis 2010 li estis libertempa ĵurnalisto, kunlaboris kun ĉefaj komercaj revuoj de Tjumeno kaj publikigis centojn da artikoloj pri lokaj entreprenoj, komercistoj ktp.

Esperanto-agado

Li lernis Esperanton memstare vintre de 2007/2008 kaj ekde 2012 ĉiujare partoprenas universalajn kongresojn. Li kunlaboras kun Esperanto gazetoj, aperiginte artikolojn en Beletra Almanako, La Ondo de Esperanto kaj aliaj. Li estas dumviva membro de UEA kaj estis prezidanto de la bonfara fonduso Esperanto en Evoluo (Nederlando), aktive blogas en Esperanto (ĉefe pri siaj vojaĝoj pere de Esperanto kaj legitaj esperanto-libroj) kaj kontribuas al la Esperanto-Vikipedio.

En Esperanto

En Esperanto aperis Stanislavo Belov, Alloga Beletra Almanako 7.

Referencoj

Eksteraj ligiloj

• Blogo en Blogger esperante
• Blogo en Ipernity esperante (ne plu renovigata ekde 2017)
• Paĝo ĉe Fejsbuko
• Blogo pri historio de Tjumena provinco ruse
• Kanalo en Jutubo esperante