Sergey Ivanovitsj Grigorov

Սերգեյ Իվանի Գրիգորով (հունիսի 4, 1946(1946-06-04), Թբիլիսի, ԽՍՀՄ), հրթիռահրետանային բնագավառի հայ մասնագետ: Տեխնիկական գիտությունների դոկտոր (1998), պրոֆեսոր: ՌԴ հերոս (1997): Պահեստի գեներալ-գնդապետ: ՌԴ ԶՈւ վաստակավոր մասնագետ: ԽՍՀՄ պետական մրցանակ (1988):

Կենսագրություն

Սերգեյ Գրիգորովը ծնվել է 1946 թվականի հունիսի 4-ին, Վրաստանի Թբիլիսի քաղաքում: 1967 թվականին ավարտել է Վորոնեժի ռազմական ավիացիոն-տեխնիկական ուսումնարանը: 1974 թվականին՝ Ա. Ֆ. Մոժայսկու անվան ռազմական ճարտարագիտական ակադեմիան: 1979-1985 թվականներին աշխատել է ՌԴ ՌՕՈՒ գլխավոր հրամանատարության աշխատակազմում, 1985-1992 թվականներին աշխատել է ՊՆ կենտրոնական ապարատում, 1992-1999 թվականներին եղել է ՊՆ բնապաշտպանության և հատուկ պաշտպանական միջոցների վարչության պետ, 1999-2004 թվականներին՝ ՌԴ նախագահին առընթեր պետական տեխնիկական հանձնաժողովի նախագահ, 2004 թվականից՝ ՌԴ տեխնիկական և արտահանումային վերահսկման դաշնային ծառայության տնօրեն, պետական գաղտնիքի պաշտպանության հարցերով միջգերատեսչական հանձնաժողովի նախագահ: Մասնակցել է Ուկրաինայում Չեռնոբիլի ԱԷԿ-ի վթարի հետևանքների վերացման աշխատանքներին, Աֆղանստանում՝ մարտական գործողությունների:

Աշխատանքները վերաբերում են հետախուզական գործունեության վարման և տեղեկույթի, հատկապես պետական գաղտնիք հանդիսացող տեղեկությունների չարտոնված հավաքման համար տեխնոլոգիաների, ֆիզիկական գործոնների և դաշտերի մշակման հարցերին: Հեղինակ է գիտական հայտնագործության:

Անդամակցություն

• ՌԴ հրթիռային և հրետանային ԳԱ լիիրավ անդամ:
• ՌԴ բնական ԳԱ լիարժեք անդամ:
• Տեղեկատվության միջազգային ակադեմիայի լիիրավ անդամ:
• ՌԴ էկոլոգիական ակադեմիայի լիիրավ անդամ:

Դասային աստիճան

• ՌԴ 1-ին դասի լիիրավ պետական խորհրդական

Պարգևներ

• ԽՍՀՄ պետական մրցանակ (1988)

ԽՍՀՄ զինված ուժերի վասկատաշատ մասնագետ «Ոսկե աստղ» մեդալ (1997)

• Հայրենիքին մատուցած ծառայությունների համար 3-րդ աստիճանի շքանշան (2006)
• ՌԴ նախագահի պատվավոր դիպլոմ (2016):
• Կարմիր աստղի շքանշան (2)
• Կարմիր դրոշի շքանշան (Աֆղանստան)

Ծանոթագրություններ

Արտաքին հղումներ

•  Սերգեյ Գրիգորով «Երկրի հերոսներ» կայքում