Said Agil Husin Al Munawar

Prof. Dr. Haji Said Agil Husin Al Munawar (miyos ing Palembang, Sumatra Kidul 26 Januari 1954) inggih punika satunggalipun guru lan tilas Mentri Agami Indonésia. Panjenenganipun dados Mentri Agami ing Kabinét Gotong Royong (2001-2004). Panjenenganipun lulusan saking Fakultas Syariah ing Universitas Ummu Al Quro Makkah (Master of Art 1983; Ph.D. 1987) ing Arab Saudi punika naté dados dosen ing pawiyatan inggil sadèrèngipun dados mentri, utaminipun ing pawiyatan luhur Islam kados Institut Agama Islam Negri ing pinten-pinten papan ing Indonesia. Sasanèsipun punika panjenenganipun ugi naté dados Dosen Pendidikan Kader Ulama Pusat saking taun 1990 ngantos 1998.

Nalika tanggal 7 Februari 2006 panjenenganipun dipunvonis ukuman gangsal taun kunjara déning Pengadilan Negri Jakarta Pusat amargi dipunpratelakaken nyata-nyata kabukti ngawontenaken korupsi dana béaya Panyelenggaraan Haji ingkang agengipun Rp. 35, 7 miliar lan Dana Abadi Umat (DAU) ingkang cacahipun Rp. 240, 22 miliar ing taun 2002-2004.

Pendidikan

• Madrasah Ibtidaiyah Munawariyah 13 Ulu Palembang 1966,
• Sekolah Dasar Negeri 8 Palembang 1967,
• Madrasah Tsanawiyah AI Ahliyah (4 taun) Palembang 1969,
• Sekolah Persiapan Universitas Islam AI Ahliyah (SPUI) Palembang 1971,
• Sekolah Persiapan IAIN Raden Fatah (SPAIN) Palembang 1971,
• Fakultas Syari`ah IAIN Raden Fatah Palembang 1974
• LML Fakultas Syari`ah Universitas Islam Madinah Arab Saudi 1979,
• Master of Art (MA) Fakultas Syari`ah Universitas Ummu AI Quro Mekkah Arab Saudi 1983,
• Ph.D. (Doctor) Fakultas Syari`ah Unversitas Ummu AI Quro Makkah Saudi Arabia 1987.

Cathetan Suku

Pranala Njawi

(id)Said Agil Al Munawwar