Rosendo Sar

Rosendo Sar Lantes, nado en Almeiras (Culleredo) e finado na mesma parroquia o 5 de maio de 1986, foi un guerrilleiro antifranquista galego.

Traxectoria

Fillo de Rosendo Sar Lantes, presidente da Sección de Unión Mutualista Campesina de Almeiras, e Silvestra Lantes Pan. Incorporouse á guerrilla en 1948, ao destacamento Manuel Bello. A finais de 1948 aparece formando parte do grupo capitaneado por Adolfo Allegue Allegue. Enfermo, un veciño de Mande de Bascoi, Manuel Sánchez, cunha manta que lle facilitaron, levouno a un monte para agochalo, e facilitoulle comida nos dous días que pensaba estar alí. Denunciado á Garda Civil, parece que foi avisado. Crese que se entregou, pois unha testemuña que o coñeceu, familiar de guerrilleiros, visitouno en Almeiras a principios dos anos oitenta. Finou en Almeiras aos 77 anos.

Vida persoal

Casou con Dolores Bermúdez Lamas.

Notas

Véxase tamén

Bibliografía

• Martínez, Lupe (2007). Coa man armada. "Ejercito Guerrillero de Galicia" -IV Agrupación- 1946 - 1948. Vigo: A Nosa Terra. pp. 127–128, 190. ISBN 978-84-8341-166-7.