Rinje Bernd Behrens

Rinje Bernd Behrens (* 17. August 1934 in Bremen) is en plattdüütschen Schriever.

Behrens is 1934 in Bremen boren un in Wersermünn un Debst opwussen. He is denn Schoolmeester worrn, weer Studiendirekter un is vondaag in Rohstand. He leevt in Langen.

1962 is he Liddmaat von de Männer vom Morgenstern worrn un dor 1972 ok as Schriftföhrer in’n Vörstand wählt worrn. He weer siet 1971 Redaktör bi dat Niederdeutsche Heimatblatt, wat en Bilaag von de Nordsee-Zeitung in Bremerhoben is. Blangenbi is he ok Schauspeler an de nedderdüütsche Bühn „Waterkant“ in Bremerhoben. Siene plattdüütschen Böker hett he deelwies ünner den Schrieversnaam Uvo Wilhelm schreven. Blangen plattdüütsche Theaterstücken schrifft he ok Böker över Familienkunn un Historie ut siene Heimatregion.

1999 hett he för sien Insatz för de Männer vom Morgenstern den Hermann-Allmers-Pries kregen un 1997 dat Bundsverdeenstkrüüz an’t Band. 2014 hett de Börgerstiftung Bremerhoben em ehren Förderpries geven.

Behrens is verheiraadt un hett twee Kinner.

Warken

• De Schatzkist. Komödie in drei Akten. Mahnke, Veern 1990
• De goden Lüüd. Spiel in fünf Akten. Mahnke, Veern 1994
• As wenn nix wesen weer. Ein Stück vom Ende des Dritten Reiches in 5 Akten. (översett ut dat Rhienlandsche, von Karl Schmalbach sien Als ov nix jewäss wür) Mahnke, Veern 1995
• Kattenjammer. Ein plattdeutscher Schwank in einem Aufzug. Mahnke, Veern 1996
• Hackelümmels. Komödie in drei Aufzügen. Mahnke, Veern 1997
• Dütmal Valentine. Komödie in einem Akt. Mahnke, Veern 1998
• De Brodermoord. Eine mordlustige Komödie in drei Akten. Mahnke, Veern 2000
• Wiehnachtsmann, dar büst du ja! Ein heiteres plattdeutsches Stück über eine ungewöhnliche Bescherung. Mahnke, Veern 2000
• De schöne Striet. Plattdeutsche Komödie in einem Akt. Mahnke, Veern 2001
• Peter kümmt inkognito. Plattdeutsche Komödie in fünf Akten. Mahnke, Veern 2003
• Indianer un Piratens. Komödie in einem Akt. Mahnke, Veern 2004
• De verkehrte Kuffer. Lustspiel in 5 Akten. Mahnke, Veern 2006
• De Cousinendag. Komödie in drei Akten. Mahnke, Veern 2011

Översett:

• Ludger Quiter: Dat Töttchenhotel. Lustspiel in drei Aufzügen. (mönsterlandsch), Veern 2002
• Ludger Quiter: Peter kümp inkognito. Komödie in fünf Akten. (mönsterlandsch) Mahnke, Veern 2004
• Rainer Schepper: Fritz Kaptain un siene Süsters. Ne mordslustige Kummelje in drei Akten. (mönsterlandsch) Mahnke, Veern 2005

Weblenken

• Rinje Bernd Behrens in de PBuB (hoochdüütsch)