Ratu Zaleha

Ratu Zaleha/Djaleha (diranakakan: Muara Lawung, 1880; habis umur: Banjarmasin, 24 September 1953) adalah puteri dari Sultan Muhammad Seman bin Pangeran Antasari nang sumangat bajuang mausir Balanda dalam Parang Banjar mnarusakan parjuangan Pangeran Antasari. Ratu Zaleha bajuang lawan babinian-babinian suku Dayak nang sudah masuk Islam nang kaya Bulan Jihad atawa Wulan Djihad, Illen Masidah wan nang lainnya. Ratu Zaleha (ngaran lahir Gusti Zaleha) marupakan tukuh emansipasi babinian di Kalimantan.

Gugurnya Sultan Muhammad Seman dan hancurnya benteng partahanan Manawing, ditangkapnya Panglima Batur pada tahun 1905, Parang Banjar nang dimulai lawan penyerangan terhadap benteng dan panambangan batu bara Oranje Nassau di Pengaron, Banjar tahun 1859, dipastiakan ampih pada tahun 1905.

Tokoh-tokoh pajuang nang tatap batahan kada mau manyarah akhirnya tapaksa manyarah, buhannya dibuang ka luar dari bumi bakas Kesultanan Banjar jadi tawanan perang hidup dalam pengasingan sampai habis umur. Nang kaya Gusti Muhammad Arsyad, minantu Sultan Muhammad Seman. Gusti Muhammad Arsyad dibuang ke Buitenzorg (sekarang Kota Bogor) pada tanggal 1 Agustus 1904.

Gusti Muhammad Arsyad wan bininya Ratu Zaleha, puteri matan Sultan Muhammad Seman bajuang lawan abahnya liwar waninya. Imbah benteng Manawing hancur Inya basambunyi ke Laheiimbah ngitu ka Mia di Sungai Teweh nang buhannya anggap aman dari sasahan Balanda. Lakinya Gusti Muhammad Arsyad satahun sabalum benteng Manawing hancur talah manyarah lawan Balanda karana pangapungan nang maulah inya kada dapat malariakan diri lagi karana disasah-sasah lawan garumbulan Belanda.

Gusti Zaleha atawa Ratu Zaleha marasa uyuh banar wan awaknya kada sanggup lagi, paampihannya Inya pamulaan tahun 1906 manyarahakan diri lawan Balanda. Atas kahandaknya Ratu Zaleha maupati lakinya dalam pengasingan di Bogor (di kawasan Keramat Empang Bogor) supaya takumpul lawan lakinya Gusti Muhammad Arsyad sampai habis umur. Ratu Zaleha diumpati mamanya Nyai Salamah.

Kaluarga Ratu Zaleha adalah bubuhan Pagustian nang dianggap babahaya sagan wilayah Kalimantan Selatan dan Tengah. Sabagai orang tawanan Gusti Muhammad Arsyad mandapat tunjangan saganalf300, parbulan tahitung matan 1 Mei 1906 sadangkan bininya Ratu Zaleha mendapat f125, sebagai tambahan untuk memelihara 7 orang anggota keluarganya. Tunjangan ini berdasarkan surat Sekretaris Goebernemen 25 Juli 1906 no. 1198 yang ditujukan kepada Ekslensi Gubernur Jenderal Hindia Belanda, dan Asisten Residen Bogor.

1. ^ Mengenang Perjuangan Pahlawan Perempuan Ratu Zaleha
2. ^ Ratu Zalecha
3. ^ (Bahasa Indonesia) Mohammad Najib, Demokrasi dalam perspektif budaya Nusantara, Jilid 2, Lajnah Kajian dan Pengembangan Sumberdaya Manusia Nahdlatul Ulama Daerah Istimewa Yogyakarta, ISBN 979-8867-01-7, 9789798867019; Penerbit LKPSM, 1996, ISBN 979-8867-03-3, 9789798867033
4. ^ Mochtar Effendy, Ensiklopedi agama dan filsafat, Jilid 6, Penerbit Universitas Sriwijaya, 2001 ISBN 979-587-151-X, 9789795871514
5. ^ (Bahasa Indonesia) Merdeka: tjerita rakjat, Penerbit Djajamurni, 1962
6. ^ (Bahasa Indonesia) M. Gazali Usman, Kerajaan Banjar: Sejarah Perkembangan Politik, Ekonomi, Perdagangan dan Agama Islam, Banjarmasin: Lambung Mangkurat Press, 1994.