Pepi

Pepi nduweni jeneng lengkap ya iku Fevi Hermawan Hidayat Kelana (lair ing Bandung, Jawa Barat, 7 Novèmber 1975; umur 41 taun). Pepi iku pentolan Ini Band, home band Empat Mata (Trans 7). Saliyane iki, Pepi dadi pelawak. Saliyané main musik, wong lanang kang nduweni sirah kang plonthos lan jenggot dawa iku uga tau dadi co-host Empat Mata asuhan pelawak Tukul Arwana.

Biografi

Nalika isih cilik, Pepi urip ing désa cilik kanthi alam pegunungan kang apik, panggonan iki jenenge Cirotan, dhaérah Cikotok ing Kacamatan Cibeber (jaman biyèn isih melu Kacamatan Bayah), Kabupatèn Lebak, Banten Selatan. Iki amarga bapaké kerja dadi karyawan ing perusahaan tambang emas Cikotok, PT. Aneka Tambang, Tbk. (Antam, Bursa Efek Indonesia: ANTM) Unit Pertambangan Emas Cikotok (UPEC), panceré ing Bagian Tambang Selatan (Cirotan). Sadurungé tamat SD, Pepi pindhah ing Bandung. Pepi pindah amarga mélu bapaké kang ngajukna pensiun. Pepi iku anak kang wuragil saka sedulur kang cacahe lima. Pepi iku anak saka pasangan S. W. Hidayat lan E. Halimah. Wiwit cilik, Pepi wis cedhak karo donyaning seni lan musik. Alat musik kang paling disenengi Pepi ya iku perkusi. Pepi lan kanca-kancane mbentuk MDS Band nalika isih kuliyah ing STIA LAN Bandung. Pepi lan kancané tau ngamén, sawisé iku banjur nyanyi ing kafe-kafe. Nalika taun 2001 nalika MDS Band dadi home band ing acara Campur-campur (antv). Sawisé iku personil band iki banjur mbangun kariré dhéwé-dhéwé.

Saliyané main musik, Pepi uga melu casting kanggo acara televisi. Pepi uga tau main ing Tawa Sutra (antv), Ruming (Trans 7), lan Ketawa Spesial (Trans TV). Sawisé iku, Pepi ditawani dadi home band Empat Mata. Pepi banjur nglumpukake kanca-kancane banjur nggawé band kanthi jeneng anyar ya iku Ini Band.

Cathetan suku