Nadezjda Nikolaevna Gordienko

Гордиенко Надежда Николаевна - Социалистік Еңбек Ері (1948), қызылша өсіруші, Талдықорған облысы (қазіргі Алматы облысы), Талдықорған ауданы, Троицк ауылдық советі, "Первое Мая" колхозының звеношысы (1945). 1924 жылы Талдықорған облысы, Талдықорған ауданы, Троицк селосында туған.

Еңбек жолы мен жетістігі

• 1938 жылы "Первое Мая" колхозына жұмысқа кіріп, алдыңғы қатарлы озат колхозшылардың бірі болады.
• 1943 жылы лениншіл жас комсомолдар мүшелігіне өтіп, мол өнім және жоғары көрсеткіш көрсету жолында қарқынды жұмыстар атқарады.
• 1945 жылы "1941-1945 жж Ұлы Отан соғысындағы қажырлы еңбегі үшін" медалімен, ал 1946 жылы "Құрмет белгісі" орденімен наградталады.
• 1945 жылы қызылшашылар звеношысы болады. 1947 жылы оның бригадасы 4 гектар жердің әр гектарынан 844 центнерден қант қызылшасын, 14 гектар астық дәнді дақылдарының әр гектарынан 20 центнерден дән алады.

Наградалары

• "1941-1945 жж Ұлы Отан соғысындағы қажырлы еңбегі үшін" медалі (1945)
• "Құрмет белгісі" ордені (1946)
• Ленин ордені
• "Орақ пен Балға" алтын медалі
• Социалистік Еңбек Ері (1948)

Дереккөздер

1. ↑ Герои Социалистического труда по полеводству Казахской ССР. Алма-ата. 1950. 412 стр.

Сыртқы сілтемелер

• История народов Средней Азии