Mstislav Ivanov

Иванов Мстислав Борисович (3. 1. 1924-ж. туулган, Кострома шаары) Даңк орденинин толук кавалери. 1942-ж. августта Советтик Армияга чакырылып, Улуу Ата Мекендик согушта Воронеж, Талаа жана 2-Украин фронтторунда салгылашкан. Курск салгылашына катышып, Украина, Румыния, Венгрия, Австрия жана Чехословакияны душмандан бошотушкан. Согуш майданында көрсөткөн эрдиги үчүн 3жана 2-даражадагы Даңк ордендерин (1944, 1945) алууга татыктуу болгон. Загорск-Быстрица (Украина) кыш-нын жанында душмандын негизги күчүн калкалаган отрядды талкалап, 69 гитлерчини туткундаганы үчүн 1946-ж. 15-майда 1-даражадагы Даңк орденин алган. И. 1950-ж. А. Навои атындагы Өзбек мамлекеттик университетин бүтүргөн соң, Кырг-нга жиберилген. 1950-79-ж. Кыргыз ССР геологиялык башкармалыгында инженер-геолог болуп эмгектенген. 3даражадагы «Манас», Кызыл Жылдыз, 1-, 2даражадагы Ата Мекендик согуш ордендери менен сыйланган.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5