Mohamed Ben Driss El Kati

محمد بن إدريس الكاتي (مزيود ف مراكش) هوّا كاتب مسراحي مغريبي ؤ موناضيل سياسي سابق.

حياتو

ف أواخر سّتينات بدا لمسرح ف جمعية "شبيبة لحمراء". ف لبدية د سّبعينات تعين موعليم ف كازا، ؤ ساهم ف تأسيس جمعية "السلام البرنوصي"، ؤ عاون ف تأليف مسراحية "علاش ؤ كيفاش"، ؤ مسراحية "الڭفة" (تأليف محمد قاوتي). ف 1975 نتاقل ل مراكش ؤ لتاحق ب جمعية "ضياء" لي دار فيها إخراج مسراحية "القطار". ؤ عاود رجع ل جمعية "شبيبة الحمراء" لي دار فيها إخراج مسراحية "الأرض" لي كان عندها تأتير كبير.

ف 1977 تّعتاقل معا مجموعة د لموناضيلين د ليسر تّقدمي، ؤ دوّز 3 سنين ما بين درب مولاي الشريف ؤ لحبس لمدني د مكناس. ملي تّطلق سراحو، رجع ل جمعية "شبيبة الحمراء" ف عوام 1980 ؤ 1981، ؤ خرج مسراحية "لبارح و ليوم".

ف 1982، لتاحق ب لمركز تّرباوي ف مراكش، ؤ تخرّج منو ف 1984، ؤ تعيّن ؤستاد ف كازا. من داك لوقت توقف على مومارسة لمسرح، حتا رجع ليه كا كاتب مسراحي.

أعمال

إخراج مسراحي

• علاش ؤ كيفاش
• الڭفة
• القطار
• الأرض
• لبارح و ليوم

مؤلفات

• دارها البوعزيزي (ب دّاريجة). مؤسسة آفاق للدراسات والنشر والاتصال. 2014. OCLC 929749662. ردمك 9789954618042.
• دليل عملي لإخراج عمل مسرحي (ب لعربية). مؤسسة آفاق للدراسات والنشر والاتصال. OCLC 949411584.
• باقي لخير لڭدام (ب دّاريجة). مراكش: مؤسسة آفاق للدراسات والنشر والاتصال. OCLC 929589583.
• مؤسسة آفاق للدراسات والنشر والاتصال, إيديتور (2019). لعب تربح لعب تخسر - أشواط ساخرة (ب دّاريجة). دار التوحيدي. OCLC 1201775985. ردمك 9789920756099.

عيون لكلام