Mehmood Husain

ମେହମୁଦ ହୁସେନ, ଜଣେ ଓଡ଼ିଆ ଚଳଚ୍ଚିତ୍ର ଓ ଧାରାବାହିକ ନିର୍ଦ୍ଦେଶକ ଥିଲେ । ୧୯୮୬ ମସିହାରେ ଅନୱାଣ୍ଟେଡ଼ ଚଳଚ୍ଚିତ୍ର ପାଇଁ, କ୍ୟାନ୍ସ୍ ଚଳଚ୍ଚିତ୍ର ଉତ୍ସବରେ ତାଙ୍କୁ ଶ୍ରେଷ୍ଠ ନବାଗତ ଚଳଚ୍ଚିତ୍ର ନିର୍ଦ୍ଦେଶକ ପୁରସ୍କାର ମିଳିଥିଲା । ଚଳଚ୍ଚିତ୍ର ନିର୍ଦ୍ଦେଶନା ବ୍ୟତିତ ଲେଖାଲେଖି ଓ ସାମ୍ବାଦିକତା କ୍ଷେତ୍ରରେ ମଧ୍ୟ ସେ କାର୍ଯ୍ୟ କରିଥିଲେ ।

ହୁସେନ, ଦିଲ୍ଲୀ ବିଶ୍ୱବିଦ୍ୟାଳୟରୁ ସ୍ନାତକୋତ୍ତର ଓ ଜବାହରଲାଲ ବିଶ୍ୱବିଦ୍ୟାଳୟରୁ ପି.ଏଚ.ଡି ଲାଭ କରିଥିଲେ । ଫିଲ୍ମ ଏଣ୍ଡ ଟେଲିଭିଜନ ଇନଷ୍ଟିଚ୍ୟୁଟ ଅଫ ଇଣ୍ଡିଆ, ପୁନାରୁ ଚଳଚ୍ଚିତ୍ର ନିର୍ଦ୍ଦେଶନାରେ ଡିପ୍ଲୋମା କରି, ଚଳଚ୍ଚିତ୍ର ନିର୍ଦ୍ଦେଶନାକୁ ବୃତ୍ତି ଭାବରେ ଗ୍ରହଣ କରିଥିଲେ । ସେ ପ୍ରାୟ ୭୬ଟି ବୃତ୍ତଚିତ୍ର ନିର୍ମାଣ କରିଥିଲେ । ଏତଦ ବ୍ୟତିତ ସମ୍ପୂର୍ଣ୍ଣ ଚଳଚ୍ଚିତ୍ର ଓ ଧାରାବାହିକରେ ମଧ୍ୟ ନିର୍ଦ୍ଦେଶନା ଦେଇଥିଲେ । ଜର୍ମାନ ରେଡ଼ିଓ ପାଇଁ ସମ୍ବାଦଦାତା ଭାବରେ କାର୍ଯ୍ୟ କରିଥିଲେ । ଦେଶ ବିଦେଶର ବହୁ ପତ୍ରପତ୍ରିକାରେ ସାମ୍ବାଦିକ ବା ସ୍ତମ୍ଭକାର ଭାବରେ କାର୍ଯ୍ୟ କରୁଥିଲେ । ସେ କିଛି ପୁସ୍ତକ ମଧ୍ୟ ରଚନା କରିଥିଲେ ।

ଚଳଚ୍ଚିତ୍ର

• ଅନୱାଣ୍ଟେଡ଼(ଇଂରାଜୀ) - ୧୯୮୫
• ରଶ୍ମୀରେଖା(ଓଡ଼ିଆ) - ୧୯୯୮
• ଉଲଗୁଲାନ(ସମ୍ବଲପୁରୀ ଭାଷାର ଚଳଚ୍ଚିତ୍ର) - ୨୦୦୯

ସାମ୍ବାଦିକତା ଓ ସ୍ତମ୍ଭଲିଖନ

• ନେସନାଲ ହେରାଲଡ଼
• ବ୍ଲିଜ
• ଟାଇମ୍ସ ଅଫ ଇଣ୍ଡିଆ
• ହିନ୍ଦୁସ୍ଥାନ ଟାଇମ୍ସ
• ପାଟ୍ରିୟଟ
• ଇକୋନୋମିକ ଆଣ୍ଡ ପଲିଟିକାଲ ଉଇକ୍ଲି
• ଫ୍ରଣ୍ଟିୟର
• ସଣ୍ଡେ
• ଅନଲୁକର
• ଫିଲ୍ମଫେୟାର
• ମିଡିଲ ଇଷ୍ଟ ଇଣ୍ଟରନେସନାଲ
• ଡେମୋକ୍ରେଟିକ ବାର୍ଲ୍ଡ
• ଥାର୍ଡ କନ୍ସେପ୍ଟ
• ଥାର୍ଡ ବାର୍ଲ୍ଡ ଇମ୍ପାକ୍ଟ
• ଇଣ୍ଡିଆନ ଏରା
• ରେଜିଷ୍ଟାନ୍ସ(ଦମାସକସ)

ପୁସ୍ତକ

• The PLO: A study in Ideology, Strategy and Tactics
• The Revolutionary Arabs: The Unfinished Agenda

ପୁରସ୍କାର ଓ ସମ୍ମାନ

• ଶ୍ରେଷ୍ଠ ନବାଗତ ଚଳଚ୍ଚିତ୍ର ନିର୍ଦ୍ଦେଶକ(କ୍ୟାନ୍ସ୍ ଚଳଚ୍ଚିତ୍ର ଉତ୍ସବ) - ୧୯୮୬(ଅନୱାଣ୍ଟେଡ଼ ପାଇଁ)
• ପାଲେଷ୍ଟାଇନ ନାଗରିକ ସମ୍ମାନ

୨୦୧୫ ନଭେମ୍ବର ୧୧ତାରିଖରେ ହୁସେନଙ୍କ ପରଲୋକ ଘଟିଥିଲା ।

ଆଧାର

ବାହାର ଆଧାର

• ମେହମୁଦ ହୁସେନ ଇଣ୍ଟରନେଟ ମୁଭି ଡାଟାବେସରେ