Maria Scheres

Maria Scheres is gebore in 1949 in Riêkelt (Rijckholt) / Groêselt (Gronsveld), gesjtorve 26-2-2018. Sinds 1972 woende ze in Mestreech. Veur e deil sjreef ze in 't Mestreechs en veur 'n deil in 't plat vaan häör geboortedörp.

Publikaties

Ze heet twie beuk oetgegeve in de Limburgse Literair Lies (LiLiLi).

• Sp(r)ookverhaole, es LiLiLi 11
• 2006 Bundel verhaole mèt de titel: Sjoorpepier, LiLiLireeks, nr. 54

Ze sjrijf ouch gediechte boevaan d'r väöl zien gepubliceerd in GRUELES, e heemkundebläod van Groésselt en in 't Veldekeblaad.

Nao 20 jaor sjrieve in 't dialek wint zie in 2005 de Veldeke-literatuurpries mèt 'n autobiografisch verhaol, getiteld:'Opruime'.

Stäölkes

E veurbeeld vaan twie stäölkes in twie versjèllende dialekte:

Groêselts:

Zoëmerweend:

Voldräoge aore wege hun zonnekeender rytmisch traog ién lawwe zoëmerweend

Basaal bewoëge noete gedûip ién zjwert geriépte erd Sacraal gebraach op vluugel.

Mestreechs:

Voldrage aore wege hun zonnekinder rytmisch traog in lawwe zomerwind

Basaal bewoge noete geduip in zwart geriepte eerd sacraal gebrach op vleugel.

Vreugjaor.

En inèns weurt de dikke loch opgesjoord
de boer trèk rechte regels in 't laand
bevrore ink kiemp in de vore

"en inèns
steit 't duuster gries
ziech greun en geel te wasse

gezwolle wäörd
barste oet hun knup
en geve sjèlders kleure"