Manuel Puente Iglesias

Manuel Puente Iglesias, nado na Estrada e finado en Poio o 2 de decembro de 1936, foi un político galego.

Traxectoria

Fillo de José Puente Pena e Avelina Iglesias Soto. Veciño de Pontevedra. Funcionario do Goberno civil de Pontevedra, foi axente executivo de cédulas do distrito de Pontevedra en 1933, dos concellos de Barro e Portas en 1935, e novamente do distrito de Pontevedra en 1936. Co golpe de Estado do 18 de xullo de 1936 foi nomedao delegado do Gobernador Civil de Pontevedra no Grove. Foi detido. Xulgado en Pontevedra por rebelión militar o 17 de novembro con Jacobo Barral Otero, Ángel Cadavid Caamaño, Jacobo Otero Goday, José Prol Figueiro e Miguel Mandiás Merino, foi condenado á pena de morte. Foi executado o 2 de decembro de 1936 no Km. 1 da estrada a Campañó con Eduardo Muíños Búa, Joaquín Fernández Barcia, Manuel Dios Costado, Manuel Vázquez Cruz, José Gabriel Cespón Pazos, Ángel Cadavid Caamaño, José Prol Figueiro e José Crespo Torres.

Notas

Véxase tamén

Bibliografía

• Mascato, Antón (2019). Atila no Grove. Crónica política e Memoria da masacre (1923)-1948). Santiago de Compostela: Positivas. ISBN 978-84-120184-6-2. 

Ligazóns externas

• Manuel Puente Iglesias na páxina web Nomes e Voces.