Manuel Cabezas

Manuel Jaime Cabezas Enríquez, nado en Ourense o 14 de novembro de 1953, é un empresario e político galego.

Traxectoria

Enxeñeiro agrónomo, comezou a súa carreira profesional como xerente da Cooperativa Vinícola do Ribeiro. Membro do Partido Popular, foi deputado pola provincia de Ourense no Congreso dos Deputados (1993-1995) e despois alcalde de Ourense desde 1995 ata 2007. Foi o primeiro alcalde popular en celebrar unha voda entre homosexuais, polo que recibiu a crítica do bispo de Ourense, Luís Quinteiro Fiúza. No ano 2006 anunciou que non se presentaría ás eleccións municipais de 2007, e dimitiu como alcalde en xaneiro de 2007, deixándolle o seu posto ao vindeiro candidato do PP Enrique Nóvoa López. Porén mantivo o escano no Senado que ocupou desde o 2004 e no que cesou no ano 2008. Dende esa data volveu adicarse ás súas empresas.

Véxase tamén

Bibliografía

• Dicionario biográfico de Galicia 1. Ir Indo Edicións. 2010-2011. 

Outros artigos

• Eleccións municipais en Ourense
• Lista de senadores galegos desde a Transición
• Federación Galega de Municipios e Provincias

Ligazóns externas

• Ficha no Congreso dos Deputados
• Ficha no Senado