M.A. Salmun

M.A. Salmun mangrupa salah sahiji sastrawan Sunda, anu miboga ngaran lengkep Mas Ace Salmun Raksadikaria. Lahir di Rangkasbitung 23 April 1903, tilar dunya di Bogor 10 Pébruari 1972. Lian ti jadi sastrawan Sunda, anjeunna ogé mangrupa salah sahiji ahli basa Indonésia. Pangaweruh anjeunna dina widang sastra saimbang jeung tarékahna pikeun nyiptakeun karya-karya sastra Sunda, contona kawas wawacan jeung gending karesmén, ogé ngarang novél, roman, jeung carita pondok. M.A Salmun téh putra ti Mas Abusa’id Raksadikaria jeung Nyi Mas Samayi. Kalangenan M.A Salmun kana widang sastra kapangaruhan ku bapana anu mangrupa panulis sandiwara jeung panari. Indungna ahli basa Sunda, Jawa, Kawi, jeung lancar ngagunakeun basa Malayu.

Préstasi

Dina taun 2011, M.A Salmun dilélér penghargaan ku pamaréntah Bogor salaku budayawan Sunda. Éta panghargaan mangrupakeun bagéan tina kagiatan milangkala kota Bogor ka-529.

Référénsi

1. ↑ Editor. "M. A. Salmun – Balai Bahasa Provinsi Jawa Barat". balaibahasajabar.kemdikbud.go.id. Diakses tanggal 2023-02-05.  Archived 2023-02-05 di Wayback Machine
2. ↑ editor. "M.A. Salmun: Sastrawan dan Budayawan Sunda". LITERA.co.id | Fenomena Sastra Indonesia (dalam en-US). Diakses tanggal 2023-02-05.  CS1 maint: Unrecognized language (link)
3. ↑ Agency, ANTARA News. "PEMKOT BOGOR BERI PENGHARGAAN TIGA BUDAYAWAN". ANTARA News Jawa Barat. Diakses tanggal 2023-02-05.