Konstantin Malin

Константин Яковлевич Малин(14.8.1923, Ресей, Саратов облысы,Озинки ауданы,Малаховка селосы - 4.10.2003, Орал қаласы) - 2-дүниежүзілік соғысқа қатысушы, ұшқыш, гвардия кіші лейтенанты,еврей. 1930 жылы Қазақстанға қоныс аударған. Орал қаласындағы аэроклубты (1941), Орынбор Әскери-әуе училищесін бітірген (1944). 1944 жылдың маусымынан аға ұшқыш 1-Беларусь майданы 16-әуе армиясы 175-гвардиялық штурмдық авиация полкі құрамында Ұлы Отан соғысына қатысқан. Кіші лейтенант Малин өзінің жауынгерлік жолын 1944 жылы 24 маусымда Бобруйск операциясы кезінде бастады. Малин Жауынгерлік тапсырмамен 106 рет ұшып шығып, 9 танкіні, 110 автокөлік, 58 зеңбірек, 9 миномет, 62 жүк тиелген арба, 14 атыс нүктесі,4 темір жол вагоны, 2 қару-жарақ қоймасын және 700-ге жуық әскер мен офицерді жойған. Малинге КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (15.5.1945). 1947 жылы запасқа шығып, Орал қаласында тұрды. Ленин, 2 рет Қызыл Ту, 1- және 2-дәрежелі Отан соғысы, «Қызыл Жұлдыз» ордендерімен және «Берлинді алғаны үшін», «Варшаваны азат еткені үшін», т.б. медальдармен марапатталған.

Дереккөздер

1. ↑ А 31 Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011. - 880 бет. ISBN 9965-893-73-Х