Khakim Bakhtigareyev

Бәхтегәрәев Хәким Бәхтегәрәй улы (1903 йыл — 10 июль 1942 йыл) — 112-се Башҡорт кавалерия дивизияһы яугиры, ҡыҙылармеец, рядовой, кавалерист , ҡылыссы.

Биографияһы

Бәхтегәрәев Хәким Бәхтегәрәй улы 1903 йылда Өфө губернаһының Бәләбәй өйәҙе Яңы Шах ауылында, хәҙерге Башҡортостан Республикаһының Йәрмәкәй районы Яңы Шах ауыл Советы Яңы Шах ауылында, икенсе мәғлүмәт буйынса Йәрмәкәй районы Приют станцияһы Рәтамаҡ ауылында тыуған. Ҡыҙыл Армия сафына 1941 йылда Йәрмәкәй район хәрби комиссариаты тарафынан саҡырыла. 8 кавалерия корпусы 112-се Башҡорт кавалерия дивизияһы 275-се кавалерия полкының 2 эскадронында ҡылыссы булып хеҙмәт итә. 1942 йылдың 10 июлендә Курск өлкәһенең Оло Полянский районында, икенсе мәғлүмәт буйынса Курск өлкәһенең Курск ҡалаһында хәбәрһеҙ юғала.

Ғаиләһе

Ҡатыны — Бәхтегәрәева Хөбиямал. Өй адресы: БАССР Йәрмәкәй районы Яңы Шах ауылы.

Иҫкәрмәләр

Сығанаҡтар

• Память народа. БАХТИГАРЕЕВ Хаким Бахтигареевич  (рус.) (Тикшерелеү көнө: 12 июль 2021)
• Шаймуратовцы. БАХТИГАРЕЕВ Хаким Бахтигареевич (рус.) (Тикшерелеү көнө: 12 июль 2021)
• БАХТИГАРЕЕВ Хаким Бахтигареевич