Juan Alonso de Navia-Arango y Navia-Osorio

Juan Alonso de Navia-Arango y Navia-Osorio foi l'II Marqués de La Ferrera, nació en Ḷḷuarca (Asturies) el 16/03/1703 y finó n'Uviéu en 1777 . Heredó del so padre D. Juan Alonso Navia y Arango Lleón Menéndez d'Avilés en 1731 el Marquesáu de La Ferrera al pie de grandes mayoralgos.

Biografía

Casó'l 06/02/1724 n'Uviéu con doña Joaquina Álvarez de Rivera y Cabeza de Vaca, fía única y heredera de José de Rivera y Dóriga, paxe del rei Carlos II, Correxidor de Segovia, Vizconde de Casta-Ossa y Caballero de la Orde de Santiago y de doña Melchora Cabeza de Vaca y Prada, fía de José Ramírez Cabeza de Vaca, Rexidor d'Uviéu y Lleón y Correxidor de Palencia y Valladolid y de doña Isabel Vázquez de Prada. Nun tuvo socesión masculina, pos l'únicu fíu varón morrió de pocu tiempu. Sobreviviéron-y trés fíes llamaes María Manuela, María Teresa y María Josefa de Navia y Rivera.

Foi miembru de la Xunta Xeneral del Principáu y de la Diputación, teniendo'l control de los poderes de dellos conceyos d'Asturies. Perteneció a la primer xeneración d'ilustraos, defendiendo'l llibre comerciu con América según el desenvolvimientu de les comunicaciones. A partir de 1745 hasta la so muerte les facetes más importantes de la política asturiana dependieron d'él.

Finó en 1777, heredando la so fía Dª María Manuela Navia-Arango de Rivera el marquesáu.

Fuentes

Referencies

Bibliografía

• Faure, Roberto,Ribes, María Asunción y Garcia ,A. Diccionariu d'apellíos españoles, Espasa Calpe, 2009, ISBN 978-84-670-30976
• Alberto y Arturo García Carraffa, Enciclopedia Hispanoamericana d'Heráldica, Xenealoxía y Onomástica, Imp. Antonio Marzu, 1920-1963. 86 v