Joseph Bodson

Joseph Bodson, c' est on scrijheu e walon do payis d' Nameur. I note l' accint d' Soye, dilé Florefe, la k' il a skepyî li 25 di djanvî 1942.

Il est SLLW-î et mimbe do CLRE.

Di s' mestî, il esta professeur d' umanités, pu eployî.

Ouve e walon

C' est Willy Bal ki l' enonde a scrire e walon, tot ratournant onk di ses bokets e francès, k' il eplaide dins l' Bourdon (diviè 2001).

E 2003, il rexhe si prumî live, ki c' est del prôze powetike : «Li moirt do Blanc Matî» al coleccion do Bourdon.

E 2016, il eplaide dins l' coleccion Odace «Mareye, ene vicåreye», des tåvleas d' ene comere a totes les ådjes et a totes les såjhons. Pu, li minme anêye, a Micromania, «L' ivier des purnalîs», des sovnances di si efance. Les deus lives sont ratournés di des eplaidaedjes e francès des anêyes 2000.

Ådzeu d' ça, i scrît les conte-rindous des noveas lives e walon dins l' gazete «Cotcorico».

Foû do walon

Il est mwaisse sicrijheu del rivuwe del soce des scrijheus del Walonreye, e francès ey e walon, "Reflets".

Il a scrît eto des lives e francès, di prôze et d' powezeye.