Johann Friedrich Wiese

Johann Friedrich Wiese (* 1761 in Aimbeck; † 1824) weer en hannöverschen Verwaltungsbeamten.

Wiese is 1761 in Aimbeck as Söhn von Jürgen Christian Wiese (1722-1801), boren. Sien Vader is Beamten in de Düütsche Kanzlie in London ween, un dorüm is Wiese in England opwussen. He hett sik an’n 17. Oktober 1778 as Student von de Juristeree an de Universität Göttingen inschreven. Dor is Wiese an’n 7. November 1778 Maat von de Hannöversche Landsmannschaft worrn. Ut siene Studententied, de bet Michaelis 1781 duurt hett, is sien Silhouett in de Silhouetten-Sammlung Schubert bewohrt bleven. Na dat Studium is he 1781 Auditer bi dat Amt Neenborg worrn, 1785 Amtsschriever bi dat Amt Rodenborg, 1787 bi dat Amt Radolfshausen un 1792 denn bi dat Amt Hoya. 1802 is he as Amtsverwalter in dat Amt Hagen wesselt un dor 1806 Amtmann worrn. Later hett he den Rang von en Oberamtmann innahmen.

Sien Söhn Georg Friedrich Wiese († 1827) weer ok Verwaltungsbeamten in dat Königriek Hannover.

Footnoten