Johann Andreas Wirgatsch

Jan Handrij Wyrgač (němsce Johann Andreas Wirgatsch; * 15. decembra 1740 w Delnim Wujězdźe, † 4. januara 1799 w Stockholmje) bě serbski presbyter Ochranowskeje bratrowskeje wosady.

Narodźi so jako syn kowarja a šołty a běše wot 1750 chowanc wustawa Friedricha Caspara von Gersdorfa we Wujězdźe, kotryž pozdźišo do Niskeje přećahny. Wot 1757 běše na pedagogikumje w Großhennersdorfje a po tym na seminarje w Barby. Tu zastupi do bratrowstwa a bě krótki čas wučer. Přesydliwši so do Ochranowa, pomhaše w redakciji nowin bratrowstwa. 1780 bu pomjenowany na presbytera a skutkowaše krótki čas w serbskej koloniji w Małym Wjelkowje. Wot 1790 běše w Stockholmje jako presbyter tamnišeje bratrowskeje wosady. Wyrgač bě nawuknył šwedšćinu, pisaše a basnješe w tutej rěči a wobstara swojej wosadźe sam spěwarske.

Literatura

• Nekrolog. W: Lausitzische Monatsschrift 1800, 2, str. 451–456
• Ota Wićaz: Presbyter Jan Handrij Wyrgač w Stockholmje. W Serbskich Nowinach 93, čo. 13, 16. januara 1934 (přiłoha)

Žórło

• Achim Brankačk: Wyrgač, Jan Handrij. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 638sl.