Jan Just
Serbski farar a kulturny prócowar
Biography
Lists
Also Viewed
The basics
Quick Facts
| Intro | Serbski farar a kulturny prócowar | |
| A.K.A. | Johannes Just | |
| A.K.A. | Johannes Just | |
| Places | Serbia | |
| Gender |
| |
| Religion: | Catholic church | |
| Birth | 7 April 1869, Neu-Jeßnitz, Germany | |
| Death | 1 August 1922Wittichenau, Germany (aged 53 years) | |
| Star sign | Aries |
The details
Biography
Jan Just (němsce Johannes Just; * 7. apryla 1869 w Nowej Jaseńcy, † 1. awgusta 1922 w Kulowje) bě serbski katolski farar a kulturny prócowar.
Narodźi so jako syn Nowojasčanskeho žiwnosćerja a wopytowaše 1881/82 Tachantsku šulu a 1883/84 Katolski wučerski seminar w Budyšinje. Wot 1884 do 1893 bě chowanc Serbskeho seminara w Praze, hdźež wopytowaše hač do lěta 1890 němskorěčny Małostronski gymnazij a studowaše potom hač do lěta 1893 katolsku teologiju. Po nawróće do Łužicy bě najprjedy katechet a tachantski wikar w Budyšinje a wot 1894 do 1908 kapłan w Chrósćicach. W lěće 1908 přewza farske městno w Ralbicach, hdźež hač do swojeje smjerće w starobje jenož 53 lět skutkowaše.
Jako Chróšćanski kapłan skutkowaše sobu we wjesnych towarstwach. Spisa hrě Wowka a Swjata Cita a dopisowaše do Katolskeho Posoła. Jako student wozjewješe ludowědne přinoški w Kwětkach Serbowki. Wot 1891 bě z čłonom Maćicy Serbskeje.
Literatura
- Michał Kětan: Nekrolog. W Krajanje 1923, str. 57–59.
Žórło
- Jurij Młynk: Just, Jan. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 241