Jamil Bakar

Jamil Bakar marupoan saurang wartawan, lahia di Kuala Simpang Banda Aceh, pado taun 19 April 1931, tapi inyo barasa dari nagari Pariaman. Inyo dipicayo sabagai ketua DPRD Provinsi Sumatera Barat pado maso 1992 sampai jo 1997. Pajalanan iduik karir Jamil Bakar indak samudah mambalikkan talapak tangan butuah usaho dan upayo untuak dapek manjadi Jamil Bakar nan kini ko. Saketek carito tantang maso lalu Jamil Bakar, sakolah SD sampai SLTP disudahan nyo di Aceh dan SLTA nyo di Medan. Lalu inyo malanjuikan kuliah nyo di universitas indonesia tapi hanyo anam bulan nyo kuliah di situ lalu pindah ka FKIP Universitas Pajajaran. Inyo lah dari ketek biaso manjadi pamimpin buktinyo se dari SD sampai SLTA nyo salalu manjadi katua osis disakolahnyo. lalu di bangku kuliah nyo pun, nyo pernah manjadi katua senat dan inyo aktif di forum komunikasi mahasiswa. dari situlah nyo dapek pengalaman dapek manjadi pamimpin. tanyato inyo pernah juo manjadi tantara di batalyon B sumatera utara taun 1947-1952 sabalum inyo kuliah.

Parjalanan Karir Salasai Kuliah

Selesai kuliah Jamil Bakar baliak ka Padang dan mandaftarkan diri sabagai staf pengajar di Fakultas Bahaso dan Sastra di IKIP Padang, ndak lamo jabatan nyo naiek jadi Dekan. Jabatan itu di pangkunyo salamo tigo pariode baturuik-turuik. Salamo batugas inyo dipicayo sabagai pembantu Rektor salamo ampek kali baturuik-turuik. Dan pado akhirnyo inyo dipicayo jadi Rektor di IKIP Padang salamo duo pariode dan baakhir pado taun 1990. Pado taun 1988 sampai 1993 inyo tapiliah jadi katua DPD Golkar , dek nyo pandai marabuik hati masyarakaik Jamil Bakar naiek Jabatan jadi katua DPRD provinsi sumatera barat pado periode 1992 sampai pado taun 1997.

Falsafah iduik

Mengabdi sapanjang hayat

Keluarga

Istri Jamil Bakar banamo Nurmalia dan inyo mampunyoi duo urang anak padusi dan ampek urang anak laki-laki.

Rujuakan

1. ↑ Abidin, Masoed (2005). Ensiklopedi Minangkabau. Pusat Pengkajian Islam dan Minangkabau.