Irina Ghaplanyan
Armenian politician
Biography
Lists
Also Viewed
The basics
Quick Facts
| Intro | Armenian politician | |
| Places | Armenia | |
| is | Political scientist | |
| Work field | Politics | |
| Gender |
| |
| Birth | 27 September 1983, Yerevan, Armenia | |
| Age | 41 years | |
| Star sign | Libra |
The details
Biography
Իրինա Ղափլանյան (սեպտեմբերի 27, 1983(1983-09-27), Երևան, Հայկական ԽՍՀ, ԽՍՀՄ), հայ քաղաքագետ, հասարակական և քաղաքական գործիչ, ՀՀ բնապահպանության նախարարի առաջին տեղակալ (2018 թվականի հունիսի 11-ից): Նախկին «Հիմնադիր խորհրդարանի» անդամ, ակտիվիստ։
Կենսագրություն
Ծնվել է 1983 թվականի սեպտեմբերի 27-ին Երևանում: Անկուսակցական է:
Կրթություն
- 1989-1998 թվականներին սովորել և ավարտել է Անտոն Չեխովի անվան թիվ 55 դպրոցը:
- 1998-1999 թվականներին ուսանել է Միացյալ Նահանգներում FSA FLEX ծրագրով` ավագ դպրոցի ավարտական դասարանում:
- 1999-2001 թվականներին սովորել է Հայ-ռուսական համալսարանի իրավագիտության ֆակուլտետում, սակայն երկու տարի իրավագիտություն ուսանելուց հետո որոշել է փոխել ոլորտը, ընդունվելով Մալթայի համալսարանի միջազգային հարաբերությունների ֆակուլտետ: 2001-2004 թվականներին ավարտել է Մալթաի համալսարանի միջազգային հարաբերությունների ֆակուլտետը և ստացել բակալավրի կոչում (թեզի պաշտպանություն` Սաուդյան Արաբիայի արտաքին քաղաքականության երկակիությունը):
- 2005-2006 թվականներին սովորել է Լոնդոնի դիվանագիտական ակադեմիայում, Ուեսթմինսթրի համալսարանում, ստանալով դիվանագիտության մագիստրոսի կոչում (թեզի պաշտպանության թեման` Կանայք դիվանագիտության մեջ):
- 2009-2014 թվականներին սովորել է Քեմբրիջ համալսարանի քաղաքագիտության ֆակուլտետում, ստանալով գիտության թեկնածուի (PhD) գիտական աստիճան (թեզի պաշտպանության թեման` Հետխորհրդային Հայաստան` նոր քաղաքական վերնախավ և նոր քաղաքական տրամախոսություն):
Աշխատանքային գործունեություն
- 1999-2001 թվականներին աշխատել է Հանուն ընտանիքի և առողջության հասարակական կազմակերպությունում որպես վարչական օգնական:
- 2006-2007 թվականներին աշխատել է Միավորված ազգերի կազմակերպության զարգացման ծրագրում որպես ազգային կայուն զարգացման ծրագրի համակարգող:
- 2008-2009 թվականներին Ջորջթաուն համալսարանի կենսաանվտանգության բաժնի վերլուծաբան, փորձագետ:
- 2010-2013 թվականներին հասարակական հիմունքներով աշխատել է Caucasus Edition, Journal of Conflict Transformation պարբերականի համախմբագիր:
- 2012-2017 թվականներին համահիմնադրել է Գրին Բին էկո սրճարանների ցանցը:
- 2014-2017 թվականներին աշխատել է որպես Նիդեռլանդների բազմակուսակցական ժողովրդավարության ինստիտուտի փորձագետ:
- 2015-2017 թվականներին աշխատել է Հայաստանի ամերիկյան համալսարանի Extension բաժնում, մշակելով և դասավանդելով կանանց առաջնորդության և իրավահավասարության դասընթացներ:
- 2016 թվականին աշխատել է Հայաստանի ամերիկյան համալսարանի General Education ամբիոնում, դասավանդել է քաղաքագիտություն:
- 2018 թվականի հունիսի 11-ին նշանակվել է ՀՀ բնապահպանության նախարարի առաջին տեղակալ:
Գիտական գործունեություն
Մի շարք գիտական հոդվածների և գրքի հեղինակ է:
Ընտանիք
Ամուսնացած է, ունի երեք երեխա (ամուսինը՝ Դեյվիդ Բեքքեթը, ամերիկացի է):