Hava Repishti

Hava Repishti (1898-1980) ka qenë një e internuar gjatë regjimit komunist në Shqipëri. Në moshën 45 vjeçare ajo mbetet e ve pasi ndahet nga jeta bashkëshorti i saj, Ibrahim Repishti, një nga promotorët e Lëvizjes Demokratike në periudhën e Pavarësisë. Hava mbetet e vetme me gjashtë fëmijë.

Djali i madh, Sami Repishti, arrestohet nga forcat e Sigurimit të Shtetit. Në gjyqin e zhvilluar ndaj tij, Samiu 22 vjeçar dënohet me 15 vite burg. Pas këtij vendimi, djali tjetër i Havës, Fahriu, u arratis. Pjesa e familjes që mbeti u internua për tre vjet në kalanë në Berat dhe në kampin e Tepelenës. Më 1953 ajo kthehet në Shkodër dhe sistemohet bodrumeve pasi i ishte konfiskuar pasuria. Ajo nisi të punonte në mënyrë që të ndihmonte të birin në burg, i cili po e vuante dënimin në burgun pranë Urës Vajgurore. Një natë dhjetori në 1953 Hava u la për 24 orë jashtë dyerve të burgut nga rojet, duke mos u lejuar të takonte të birin.

Pas daljes nga burgu, djali u arratis. Hava u nda nga jeta pa i takuar dot.

Burimet