Handrij Smoler

Handrij Smoler (němsce Andreas Schmaler; * 1693 we Wojerecach, † 6. septembra 1729 w Njeswačidle) bě serbski ewangelski farar a nabožinski prócowar.

Wón skutkowaše wot 1721 do 1726 jako farar w Rychwałdźe, nastupi dnja 4. junija 1726 městno jako prěni diakon w Njeswačanskej wosadźe a bě tam wot 1727 hač do swojeje zažneje smjerće w lěće 1729 z fararjom.

Smoler wobstara 1729 nowe wudaće psalmow Dawida, kotrež bě farar Pawoł Prätorius w lěće 1703 prěni króć wudał a doda jim 21 nowych modlitwow.

Wozjewjenja

• Wšědne modlitwy jeneho wěrneho křesćana, Budyšin 1729.

Žórło

• Rudolf Kilank: Smoler, Handrij. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 510