H.W.A. Lemmerling

Alois Lemmerling waor ´ne sjriever euver volkscultureel en natuurónderwerpe. Hae is gebore op 2 juli 1919 in Cadier en Keer en gesjtorve op 2 oktober 2003 in Valkeberg. Hae deeg 'n sjtudie in de landboew, fruitteelt en tuinarchitectuur en haolde in 1947 't diploma tuinboewvakónderwiezer. Hae waor vanaaf 1954 in deens van de Gemeinte Valkeberg aan de Geul es hoof van de plantsoenedeens. Es besjtuurslid en adviseur van ´t I.V.N. waor hae in 1974 de óntwerper en gróndlègker van de heemtuin Sjloensheim (noe kesjtièltuin) bie kesjtièl Sjaloen in Oud-Valkeberg. Ouch goof hae de lèsse aan de heemtuingidse. Wiejer heel ´r lezinge met dia´s euver volkscultuur en natuur.

Publikaties

• De 10 deilige reeks Oet vreuger jaore. In de jaore tachtig van de 20e ièw sjreef hae dees reeks, euver ´t volksleve en de volkscultuur in en um ´t mergelland. De deile zint door häöm zelf geillustreerd. De ouw foto´s haet ´r verzameld en bie de artikele aafgedrök. Gezèkdes, typische weurd en oetdrökkinge sjtoon in ´t plat.
• Biedrages in 't sjtandaardwerk: Ontdek het mergelland 1978
• Mètwèrker aan t weekblaad, 't Gezètsje, in Valkeberg
• Mètwèrker aan 't fotobook Sjin op Geul in ouw anziechte 1985
• Sjriever in de Natuurgids, 't kóntakblaad van 't I.V.N. in Nederlands Limburg
• Biedrages in 't magazine Geulrand, oetgegeve in en um Valkeberg