Guillaume Dador

Guilhèm Dadòr (o Guilhaume, coma se nomava eth) (Bordèu, 7 d'octobre de 1810 - 1891) hut un escrivan occitan dau país de Bordèu.

Biografia

Segrestan de las gleisas bordalesas de Sent Nicolas, apuei Sent Vincenç, nos es sustot coneishut per sos tèxtes polemics e umoristics en vèrs, redigits dens lo parlar gascon de Bordèu. Li devem tanben una gramatica inedita dau gascon bordalés, dont sajèt de’n tirar lo maximum de francismes. Sos dus tèxtes los mei coneishuts son lo Pèlerinatche de Sin-Bincent à Berdelay ou les Abantures de Meste Guillaoumet en 1860, un raconte umoristic d’un pelerinatge de parropians bordalés au santuari de Verdelais, damb totas las aventuras susvengudas en rota, amei l’Adresse de Meste Guillaoumet, sacristain de Sint-Bincent, à Meste Amand, chantre de Sinte-Crouz, a prepaou de moussu Renan (1864), una virulenta critica de las tèsis d’Ernest Renan sus Jèsus Crist. Quauques tèxtes en francés nos son tanben pervenguts de Guilhèm Dadòr, notadament las Étrennes politiques.

Ligams extèrnes