Gevorg Khanikyan

Գևորգ Գուրգենի Խանիկյան (հոկտեմբերի 30, 1937(1937-10-30), Կիսլովոդսկ, Ստավրոպոլի երկրամաս, ՌԽՖՍՀ, ԽՍՀՄ), հայ տնտեսագետ: Տնտեսագիտության դոկտոր (1990), պրոֆեսոր (1995):

Կենսագրություն

Գևորգ Խանիկյանը ծնվել է 1937 թվականի հոկտեմբերի 30-ին, Կիսլովոդսկ (Ռուսաստան) քաղաքում: 1959 թվականին ավարտել է Երևանի պոլիտեխնիկական ինստիտուտի մեխանիկայի ֆակուլտետը: 1967-1982 թվականներին եղել է ԽՍՀՄ պետպլանին կից Պլանավորման և նորմատիվների գիտահետազոտական ինստիտուտի բաժանմունքի վարիչ, 1982 թվականից՝ ՀԽՍՀ ԳԱ տնտեսագիտության ինստիտուտի բաժնի վարիչ, 1999 թվականից, միաժամանակ՝ փոխտնօրեն:

Աշխատանքները վերաբերում են տնտեսության և նրա ճյուղերի արդյունավետության գնահատման, արտադրական ծախսերի կառավարման, գիտատեխնիկական առաջադիմության ու ներուժի զարգացման, գիտության և արտադրական ինտեգրման հարցերին:

Երկեր

• Наука-производство: вопросы взаимодействия и управления / Ханикян Геворк Гургенович, Ин-т экономики, [отв. ред. Т. Ш. Торосян], Ереван, Изд-во АН АрмССР, 1988.
• Научно-техническая политика РА в период реформ, М., 1999.
• Ханикян, Геворк (1986) Вопросы управления производственными издержками в условиях интеграции науки и производства. Լրաբեր Հասարակական Գիտությունների, No. 12 . pp. 20-29. ISSN 0320-8117

Ծանոթագրություններ