Georg Roth

Georg (von) Roth (* 1674 in Leutschau; † 17. September 1723 in Stood) weer en düütschen Pädagoog.

Roth is 1674 as Söhn von’n Rekter Melchior Roth in Leutschau boren. He güng op dat Gymnasium Eperies un is 1693 denn op de Universität Wittenbarg wesselt. Dor weer he bet 1696. Na dat Studium is he as Huuslehrer na Berlin gahn. 1699 hett em Kurförst Friedrich III. as Diaken in Fürstenwalde anstellt. De Stadtraad hett em ok dat Rekteraat över de School geven. 1714 is he as Rekter an dat Athenaeum Stood wesselt. He schull 1723 egentlich de Steed von Johann Georg von Eccard as Bibliothekar un Historiograaf an’n Kurförstenhoff in Hannover övernehmen, aver de Dood is em tovör kamen.

Roth hett an’n 16. April 1707 in Fürstenwalde Eva Catharina Gerlach (Süster to Philipp Gerlach) freet.

Warken

• Dissertatio Politica De Iure Maiestatis Circa Erigendas Et Confirmandas Academias. Jacob Friedrich Moller, Universitäts- und Landesbibliothek Sachsen-Anhalt, Halle/Saale 1695
• Geographische Beschreibung der beiden Herzogthümer Bremen und Verden. 1718
• Joh. Renner’s Chronikon der Olden löfliken Stadt Bremen in Sassen. (Riemkröönken na Johann Renner)

Footnoten

1. ↑ Krause: Roth, Georg in: Allgemeine Deutsche Biographie 29 (1889), Sieden 308–309 Online
2. ↑ Arpád Neupauer: Geschichte der ev. Kirchengemeinde Schwedler. 1974