Gencsy Sári

Sári Gencsy [ŝAri genĉi], laŭ hungarlingve kutima sinsekvo Gencsy Sári estis hungara operkantisto (soprano), altlerneja instruisto. Ŝia origina persona nomo estis Sarolta, ties karesnomo estas Sári.

Sári Gencsy [1] naskiĝis la 16-an de aŭgusto 1924 en Debrecen, ŝi mortis la 6-an de majo 2008.

Biografio

Sári Gencsy lernis kantoteknikon kaj pianoludon en sia naskiĝurbo. En 1944 ŝi ricevis rolojn en operetoj en Teatro Csokonai (Debrecen). Ekde la sekva jaro ŝi plulernis en Muzikakademio de Budapeŝto. Ŝi debutis en 1948 en la Budapeŝta Ŝtata Operejo. Ŝi pensiuliĝis en 1975, sed poste preskaŭ ĝismorte ŝi instruis en la Aktora Altlernejo. Ŝi ricevis premiojn en 1973 kaj 1985.

Elektitaj roloj

• Ferenc Erkel: Bánk bán (Banuso Bánk; opera versio) - Melinda
• Gaetano Donizetti: Lucia Lammermoor — titolrolo
• Wolfgang Amadeus Mozart:
  • Don Giovanni - Zerlina
  • Die Entführung aus dem Serail - Blonde
• Giuseppe Verdi:
  • Rigoletto - Gilda
  • La Traviata - Violetta Valéry

Fontoj

• hungarlingva biografio kun foto