Gabdelkhaj Fakhrejev

Фәхриев Ғәбделхәй Ғимаҙи улы (4 сентябрь 1929 — 31 август 1991) — башҡорт совет театр актёры. Хеҙмәт Ҡыҙыл Байраҡ ордены кавалеры (1974), БАССР-ҙың (1974) һәм РСФСР-ҙың халыҡ артисы (1991)..

Биографияһы

Фәхриев Ғәбделхәй (Хәй) Ғимаҙи улы 1929 йылдың 4 сентябрендә БАССР-ҙың Стәрлетамаҡ кантоны Өршәкбаш-Ямғырсы ауылында (хәҙерге Башҡортостан Республикаһы Стәрлебаш районы Яңғырсы ауылы) тыуған. 1950 йылда Өфө театр-сәнғәт училищеһын (педагогтары Х. Бухарский, Г. С. Саттаров) тамамлай. Училищены тамамлағас БАССР-ҙың Ҡыйғы һәм Ауырғазы райондарының колхоз-совхоз театрҙарында эшләй, аҙаҡ БАССР-ҙың Стәрлебаш районы мәҙәниәт бүлегенең художество етәксеһе, Салауат башҡорт дәүләт драма театры, ә 1970 йылдан — Мәжит Ғафури исемендәге Башҡорт дәүләт академия драма театры артисы. 1991 йылдың 31 авгусында Өфө ҡалаһында вафат була.

Спектаклдәрҙә башҡарған ролдәре

Ғылмийәр («Әсәләр көтәләр улдарын» — «Матери ждут сыновей» Ә.М.Мирзаһитов), Заман («Ҡыңғыраулы дуға» — «Дуга с колокольчиками» Н.Нәжми), Ғәфүр («Бай һәм хеҙмәтсе» — «Бай и батрак» Х.Ниази), Дәрүиш («Ай тотолған төндә»), Краснов («Бәлә кеше башынан йөрөй» — «Грех да беда на кого не живёт» А. Н. Островский), Иван Якутов («Һуңғы алыш» — «Последняя схватка» Т.Бикмаев), Ф. Әбләй («Бажалар» — «Свояки» И. А. Абдуллин), Байтирәк («Ҡыйыу ҡыҙҙар» — «Смелые девушки» Т.Ғиззәт), Кәрим бай («Башмағым»), Бәҙри («Ғәлиәбаныу»).

Маҡтаулы исемдәре һәм башҡа бүләктәре

• РСФСР-ҙың халыҡ артисы (1991).
• РСФСР-ҙың атҡаҙанған артисы (1979).
• Хеҙмәт Ҡыҙыл Байраҡ ордены (1976).
• Башҡорт АССР-ының халыҡ артисы (1974)
• Башҡорт АССР-ының атҡаҙанған артисы (1968).

Хәтер

Өфө ҡалаһында артист йәшәгән йортҡа мемориаль таҡта ҡуйылған. Стәрлебаш ауылында урам уның исеме менән аталған.

Һылтанмалар

Башҡорт энциклопедияһында мәҡәлә

http://www.sterlibash.ru/peaple/nar_art.html

http://ufa-gid.com/encyclopedia/fahreev.html