Fyodor Dronov

Фёдар Амосавіч Дро́наў (18 мая 1925 — 4 ліпеня 1994) — вучоны-эканаміст, доктар эканамічных навук (1976), прафесар (1979), член-карэспандэнт Акадэміі навук БССР (1986), Заслужаны эканаміст БССР (1985).

Нарадзіўся ў горадзе Крэмэнчук Палтаўскай губерні УССР (сучасны адміністрацыйны цэнтр Крэмэнчуцкага раёна Палтаўскай вобласці Украіны). Удзельнік Вялікай Айчыннай вайны з 1943 года. У 1954 годзе скончыў Ленінградскі фінансава-эканамічны інстытут, у 1963 годзе — аспірантуру пры Інстытуце эканомікі Акадэміі навук БССР. З 1964 года займаў пасаду загадчыка сектара агульных праблем эфектыўнасці капітальных укладанняў Інстытута эканомікі, у 1968—1978 гадах намесніка дырэктара па навуковай рабоце і адначасова загадчыка сектара эканомікі навукова-тэхнічнага прагрэсу. З 1980 да 1988 года Ф. А. Дронаў на пасадзе намесніка дырэктара (дырэктар) Навукова-даследчага эканамічнага інстытута Дзяржэканомплана БССР, з 1988 года — галоўны навуковы супрацоўнік.

Навуковыя працы Ф. А. Дронава па сацыяльна-эканамічных праблемах навукова-тэхнічнага прагрэсу і эфектыўнасці грамадскай вытворчасці, тэрытарыяльнай арганізацыі народнай гаспадаркі і інш. Аўтар больш за 160 прац, у тым ліку 10 манаграфій і брашур.

Сярод апублікаванага:

• Эффективность использования основных фондов промышленности. — Мн.: Наука и техника, 1966.
• Хозяйственная реформа и экономические стимулы эффективного использования основных фондов / Ф. А. Дронов, О. Н. Пашкевич, Э. И. Петрович; Белорусский научно-исследовательский институт научно-технической информации и технико-экономических исследований Госплана БССР. — Мн. 1969.
• Научно-технический прогресс и проблемы ускорения экономического роста / Ф. А. Дронов; ред. Ф. Т. Землянский; АН БССР, Ин-т экономики. — Мн.: Наука и техника, 1979.
• Экономические основы ускорения научно-технического прогресса / Ф. А. Дронов, А. Н. Дичковский, Т. Б. Образкова и др.; Под ред. В. П. Александровой. — Мн.: Наука и техника, 1980.
• Мясной подкомплекс в системе агропромышленного комплекса: [для системы Госагропрома СССР] / Ф. А. Дронов, К. А. Иванов. — Москва: Агропромиздат, 1986.

• Ордэн Чырвонай Зоркі
• Ордэн Айчыннай вайны I ступені
• Медаль «За перамогу над Германіяй у Вялікай Айчыннай вайне 1941—1945 гг.»

• Дронаў Фёдар Амосавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 283. — 800 с. — 5 000 экз. — ISBN 985-11-0026-9.

• Фёдар Амосавіч Дронаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
• Дронов Фёдор Амосович // Портал ЭКОНОМИКА.BY (руск.)
• Дронаў Фёдар Амосавіч на сайце анлайн-энцыклапедыі «Беларусь у асобах і падзеях»
• Дронов Фёдор Амосович // Музейный комплекс «Дорога памяти» (руск.)
• Память народа — электронный банк документов периода Великой Отечественной войны (Праверана 5.5.2023) (руск.)