Felix Bakhchinyan

Ֆելիքս Բարդուղիմեոսի Բախչինյան (սեպտեմբերի 22, 1950(1950-09-22), Ալավերդի, Հայկական ԽՍՀ, ԽՍՀՄ), հայ գրող, գրականագետ, թարգմանիչ: Հայաստանի գրողների միության անդամ (2001 թ.):

Կենսագրություն

Ֆելիքս Բախչինյանը ծնվել է 1950 թվականին Ալավերդի քաղաքում: Ավարտել է Բագրատաշենի թիվ 1 միջնակարգ դպրոցը, Էջմիածնի ակումբագրադարանային տեխնիկումը, Կիրովականի մանկավարժական ինստիտուտի բանասիրական ֆակուլտետը: 1978-1981 թվականներին Վիլնյուսի պետական համալսարանի լիտվական գրականության ամբիոնում ուսումնասիրել է հայ-լիտվական գրական-մշակութային կապերը: Աշխատել է «Լոռի» շրջանային և «Հայաստան» հանրապետական թերթերի խմբագրություններում, եղել է Ալավերդու քաղաքապետարանի մշակույթի բաժնի վարիչ, Թումանյանի շրջանի գրադարանների կենտրոնացված համակարգի տնօրեն, Հայաստանի գրողների միության նախագահի և Լոռու մարզպետի խորհրդական, հիմնադրել է «Հայոս-Քարթլոս» հայ-վրացական գրական անկախ հանդեսը, 1994 թվականին՝ Ֆրիտյոֆ Նանսեն հիմնադրամը Մոսկվայում:

Հեղինակ է պատմվածքների, վիպակների, գրականագիտական հոդվածների և մենագրությունների:

Անդամակցություն

• Հայաստանի գրողների միության անդամ
• Մոսկվայի գրողների միության անդամ
• Վրաստանի հասարակական գիտությունների ակադեմիայի անդամ
• Կովկասի ժողովուրդների և Հումանիզմի միջազգային ակադեմիաների ակադեմիկոս

Պարգևներ

• ՀՀ Արարատի մարզպետարանի «Պարույր Սևակ» մեդալ, 2012 թ.
• ՀՀ Սփյուռքի նախարարության «Վիլյամ Սարոյան» մեդալ, 2012 թ.
• ՀՀ ՊՆ «Գարեգին Նժդեհ» և «Անդրանիկ Օզանյան» մեդալներ, 2011 թ.
• ՀԳՄ «Գրական վաստակի համար» մեդալ, 2010 թ.
• ՀՀ վարչապետի հուշամեդալ, 2010 թ.

Երկեր

• Աստեղնային խոստովանանք (ռուսերեն), 1989 թ.
• Չեչենական օրագիր» (թուրքերեն), 1998 թ.
• Խաչվածին մահ չկա» (վրացերեն), 2000 թ.
• Նամակներ Հայաստանից» (ռուսերեն, վրացերեն հոդվածների ժողովածու), 2001 թ.
• Հայ լինելու քաղցրությունը, 2003 թ.
• Տիեզերքի սիրեցյալները, 2002-2005 թթ.
• Գթասրտության ռահվիրան, 2003 թ.
• Կարոտի թագավորություն, 2003 թ.
• Բանաստեղծության հայելու խորքում, 2004 թ.
• Հալեպ՝ փրկության ափ (2 հատոր), 2008 թ.
• Դեժավյու 2010 թ.
• Մի գիշեր Բարոն հյուրանոցում 2010 թ.
• Հայ զորական ուժի ժառանգորդը. Սեյրան Մուշեղի Օհանյան, 2010 թ.
• Ֆրիտյո‎ֆ Նանսեն. աշխարհի խիղճը, 2010 թ.
• Գիտությունն ու կյանքը խարսխող գիտնականը. Լևոն Ազատի Սարգսյան, 2013 թ.

Թարգմանություններ

• Վլադիմիր Յավորիվսկու, Գայլերի ‎ֆերմա, Երևան, 2005 թ.
• Կալեվալա (կարելա‎ֆիննական ժող. էպոս), Երևան, 2005 թ.
• Վասիլ Շկլյար, Բանալի, Երևան, 2005 թ.
• Տարաս Շևչենկո, Կոբզար, Երևան, 2008 թ.
• Ժամանակակից ուկրաինական արձակ 2009 թ.
• Քրիստիյոնաս Դոնելայտիս, Տարվա եղանակները, Երևան, 2011 թ.
• Մայրոնիս Գարնան ձայները 2016 թ.
• Անթանաս Բարանաուսկաս Անիկշչյայի թավուտը 2016 թ.

Ծանոթագրություններ

Արտաքին հղումներ

• Ֆելիքս Բախչինյանի մասին ՀԳՄ կայքում
• «Երգը որպես հանդիպման վայր» / Ֆելիքս ԲԱԽՉԻՆՅԱՆ