Fatmir Rexhepi

Fatmir Rexhepi është i lindur më 06.07.1956 në Pogragjë, Gjilan, është politikan shqiptar.

Biografia

Fatmir Rexhepi shkollën fillore e kreu në fshatin e lindjes në Pogragjë, ndërsa shkollimin e mesëm në Gjilan. Titullin Inxhinier i diplomuar i Makinerisë e fitoi në Fakultetin Teknik të Universitetit të Prishtinës.

Aktivitete dhe funksione, të tanishme apo paraprake

• 1980-1982: Inxhinier në prodhimtari “INCGJ”
• 1982-1985: Inxhinier në projekte dhe menaxhim të investimeve
• 1986-1989: Drejtor i ndërmarrjes prodhuese “Gival”
• 1990-2002: Inxhinier kryesor në ndërmarrjen private “ENG OFFICE”

Që nga themelimi i Lidhjes Demokratike të Kosovës është anëtar dhe veprimtar i saj. Ishte Ministër i Punëve të Brendshme në qeverinë e Kosovës, ndërsa aktualisht është deputet në Parlamentin e Republikës së Kosovës dhe kandidat për kryetar komune të Gjilanit në zgjedhjet e nëntorit 2009. Është i martuar, prind i dy djemëve dhe jeton në Gjilan.

Lidhje të jashtme

• Faqja zyrtare e Kuvendit të Kosovës

Shih edhe

• Pogragja