Erich Krause

Erich Krause (* 1897; †) weer en düütschen Verwaltungsbeamten.

Krause is 1897 boren. He hett Juristeree studeert un sien Dokter maakt. Na dat Studium is he in’n prüüßschen Staatsdeenst gahn. He is 1924 Regerungsassesser un Hülpsarbeider bi dat Landraadsamt von’n Landkreis Rosenberg worrn. 1925 keem he as Hülpsarbeider an dat Polizeipräsidium Berlin un 1928 in dat Binnenministerium. He is 1929 Regerungsraad un Liddmaat von de DStP worrn.

An’n 14. September 1931 hett he opdragswies dat Amt as Landraad von’n Landkreis Liegnitz övernahmen. Dat is he bleven, bet he an’n 1. Oktober 1932 kommissarschen Landraad von’n Landkreis Calau worrn is. Dor is he bet to’n 15. Mai 1933 bleven, as he in einstweiligen Rohstand versett worrn is. He weer denn von 1933 bet 1943 Regerungsraad bi de Regerung in Lümborg. 1943 is he Oberregerungsraad worrn un hett vertredungswies dat Amt as Landraad von’n Landkreis Ülzen övernahmen. Von 1943 bet 1945 weer he vertredungswies Landraad von’n Landkreis Borgdörp.

He weer von 1954 bet 1962 de Präsident von’n Regerungsbezirk Lümborg.

Footnoten

1. ↑ Acta Borussica, Band 12/II
2. ↑ http://www.liegnitz.info/kreisbeschreibung.html
3. ↑ http://www.territorial.de/markbran/calau/landkrs.htm