Einar Halvorsen

Einar Halvorsen (fødd 13. desember 1944) er ein norsk siviløkonom, og Høgrepolitikar. Han er ordførar i Arendal kommune frå 20. oktober 2011.

Halvorsen vart uteksaminert som ingeniør i Gøteborg i 1966 og som siviløkonom ved Handelshøyskolen BI i Oslo i 1970.

Han har arbeidd ved Norske Esso som utbyggingskonsulent, hjå Pusnes Marine and Offshore Services som innkjøpssjef, og hjå Scan Boats som administrasjonssjef. Frå 1987 til 2007 arbeidde han som banksjef i Nordea.

Han har vore initiativtakar og leiar av Sørlandets båtmesse i tre år, nestleiar ved Norwegian Grand Prix i fem år, styremedlem i 14 år ved Arendal Griegfestival, styremedlem i stiftinga Arendal byselskap og styreleiar ved Arendal kulturhus.

Politiske verv

• 2007-2011: Gruppeleiar i Arendal Høgre
• 2007-2011: Medlem av formannskap, planutval og kommuneplanutval i Arendal kommune
• 2009-2011: Opposisjonsleiar i Arendal bystyre
• 2011-2015: Ordførar i Arendal

Sjå òg

• Ordførarar i Arendal

Referansar