Dilar Khabuliani
Georgian Politician
Biography
Lists
Also Viewed
The basics
Quick Facts
| Intro | Georgian Politician | ||
| Places | Georgia | ||
| is | Politician | ||
| Work field | Politics | ||
| Gender |
| ||
| Birth | 24 November 1952 | ||
| Age | 72 years | ||
| Star sign | Sagittarius | ||
| Positions Held |
|
The details
Biography
დილარ ხაბულიანი (დ. 24 ნოემბერი, 1952, სოფელი ცანი, ლენტეხის რაიონი, საქართველოს სსრ) — ქართველი პოლიტიკოსი, სპორტსმენი (ძიუდო), საქართველოს შინაგან საქმეთა მინისტრი, პოლიციის პოლკოვნიკი.
ბიოგრაფია
დილარ ხაბულიანი დაიბადა 1952 წლის 24 ნოემბერს, ლენტეხის რაიონის სოფელ ცანში. საშუალო სკოლის დამთავრების შემდეგ, 1970 წელს სწავლა განაგრძო საქართველოს ფიზიკური კულტურის ინსტიტუტში, პარალელურად, როგორც სპორტსმენი — მოჭიდავე მონაწილეობას იღებდა სხვადასხვა რანგის საერთაშორისო შეჯიბრებასა და ჩემპიონატში. 1974–1977 წლებში იყო საქართველოს ფიზკულტურისა და სპორტის კომიტეტის ფიზკულტურის ინსტრუქტორი. (1977–1979) და (1981–1982) სპორტული გაერთიანება „ქარიშხალას“ მწვრთნელი. 1979–1981 წლებში იყო საქართველოს ფიზკულტურისა და სპორტის კომიტეტის მწვრთნელი. ჭიდაობის სკოლის დირექტორი (1982–1990).
სსრკ ჩემპიონატების ორგზის მეორე (1976, 1980) და ორგზის მესამე (1975, 1978) პრიზიორი, სსრკ ხალხთა VI სპარტაკიადის ჩემპიონი გუნდურ პირველობაში (1975), ბელგრადის, დუბროვნიკისა და ვარშავის საერთაშორისო ტურნირებში გამარჯვებული. საერთაშორისო კლასის სპორტის ოსტატი. საქართველოს ნაკრები გუნდის უფროსი მწვრთნელი (1982-1986). მისი ხელმძღვანელობით საქართველოს ნაკრები სსრკ ხალხთა VIII სპარტაკიადის ჩემპიონი გახდა გუნდურ ჩათვლაში (1983). ძიუდოში ევროპის ჩემპიონი (1977, რაინის ლუდვიგსჰაფენი, გფრ). 1990-2010 წლებში იყო საქართველოს ძიუდოს ფედერაციის პრეზიდენტი.
1990-1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). 1990 წლის 22 ნოემბერს კი, საქართველოს რესპუბლიკის უზენაესი საბჭოს დადგენილებით, დაინიშნა საქართველოს რესპუბლიკის შინაგან საქმეთა მინისტრად, სადაც 1992 წლის 5 იანვრამდე იმუშავა. 1995-1999 წლებში — საქართველოს მე-4 მოწვევის პარლამენტის წევრი (მაჟორიტარი), ხოლო 2004-2008 წლებში — საქართველოს მე-7 მოწვევის პარლამენტის წევრი (თბილისის კრწანისის მაჟორიტარი) საარჩევნო ბლოკიდან „ერთიანი ნაციონალური მოძრაობა — გამარჯვებული საქართველოსთვის“.
2020 წლის საპარლამენტო არჩევნებზე „ერთიანმა ნაციონალურმა მოძრაობამ“ და გაერთიანებულმა ოპოზიციამ „ძალა ერთობაშია“ ონი-ამბროლაური-ცაგერი-ლენტეხი-მესტიის საარჩევნო ოლქის მაჟორიტარობის კანდიდატად წარადგინა. მან ხმების 15,88% (4263) მიიღო და მეორე ადგილი დაიკავა. 2020 წლიდან არის საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ერთიანი ნაციონალური მოძრაობა — გაერთიანებული ოპოზიცია „ძალა ერთობაშია“. პარლამენტში პარტიული სიით შესვლაზე უარი განაცხადა (მთლიანად ოპოზიციასთან ერთად, გაყალბებული არჩევნების მოტივით).
ძირითადი შედეგები სპორტში
| დისციპლინა | ადგილმდებარეობა | ტურნირი | წონითი კატეგორია | ადგილი |
|---|---|---|---|---|
| ძიუდო | ევროპის ჩემპიონატი 1977 | 78 კგ | 01 |
ლიტერატურა
- თუშურაშვილი ო., ჯახუა ი., „XX საუკუნის საქართველოს შინაგან საქმეთა და უშიშროების მინისტრები“, თბილისი, 2013. — გვ. 87-88, ISBN 978-9941-0-5532-4.
რესურსები ინტერნეტში
- დილარ ხაბულიანი — საქართველოს ბიოგრაფიული ლექსიკონი
- დილარ ხაბულიანი — საქართველოს პარლამენტის ოფიციალური საიტი (საქართველოს რესპუბლიკის პირველი მოწვევა)
- დილარ ხაბულიანი — საქართველოს პარლამენტის ოფიციალური საიტი (მოძველებული / არქივი / ახალი არქივი)
- დილარ ხაბულიანი — ქართული სპორტი