Danilo Gerona

Si Danilo "Danny" Madrid Gerona (Hulyo 18, 1960 sa Canaman, Camarines Sur) sarong Pilipinong historyador, propesor asin kagsurat kan Ferdinand Magellan: The Armada De Malucco and the European Discovery of the Philippines (2015). Bago kaini, siya nagsurat nin manlainlain na libro nin kasaysayan kan mga banwaan sa Albay, Camarines Norte, Camarines Sur asin Masbate, siring man kan Universidad de Santa Isabel sagkod Ateneo de Naga na Unibersidad, asin iba pa.

Siya an kagdiskobre kan petsang Mayo 27, 1579 komo aldaw nin pagkamukna kan probinsya nin Camarines. Kan 2015, isinurat niya an Ferdinand Magellan: The Armada De Malucco and the European Discovery of the Philippines na urog nagpabantog sa saiya.

Siya dating propesor sa Ateneo de Naga na Unibersidad asin direktor kan Instituto sa Historya asin Kultura nin Bikol (Institute of Bikol History and Culture) sa nasabing kolehiyo.

Nag-adal si Gerona nin elementarya sa Canaman Central School asin ipinadagos an sekondarya sa University of Nueva Caceres. Magpapadion kuta siya komo sarong Heswita, alagad pakalihis nin duwang taon, dai na nagpadagos. Nakua niya an titulong Batsilyer asin Master nin Arte sa Pilosopiya sa Ateneo de Manila na Unibersidad asin Doktor nin Pilosopiya sa Philippine Studies (History) sa Unibersidad kan Pilipinas.

Duwa sa saiyang naresibeng onra iyo an Kaogma Festival Hot Shots-Arts and Culture na iginawad kan lokal na gobyerno kan Camarines Sur kan 2005 asin an Outstanding Bicolano in Civic Development na iginawad kan Dr. Melchor T. Villanueva Awards kan 2007.

Pagsurat

Hararom an saiyang adal dapit asin urog na sa kasaysayan kan amay na pagkolonya kan mga Espanyol sa ronang Bikol. Dakul na siyang mga papel na binasa sa mga internasyunal na mga forum asin mga tiripon nin mga historyador sa iba-ibang nasyon. Siya bakô sanang maray magsurat asin maglektura sa Ingles, kundi kasi parehas an pakanood niya kan tataramon na Espanyol. Tatao man siyang magtaram Pranses asin may pakasabot man kan lenggwaheng Aleman asin Portuges.

Inspirasyon ni Gerona sa pag-adal nin historya si Domingo Abella. Siya dakol nang naisurat gabos manunungod sa kasaysayan:

Libro

• Ferdinand Magellan: The Armada De Malucco and the European Discovery of the Philippines (2015) 327 pahina.
• La Ciudad de Nueva Caceres: The Rise of a Sixteenth Century Spanish City. (2013) 207 pahina.
• Oas 1585-1955 (2013). 143 pahina.
• The First Rizal Monument: The Story Behind Daet's Monuments and The Rise of Nationalism in Camarines Norte (2013). 99 pahina.
• Daet: Kabikolan's Bulwark of Nationalism (2013).
• Las Islas de Masbate: A Beacon of Faith, A Fortress of Resistance (2011).245 pahina
• Albay:Winding Down the Historic Abaca Trail. Provincial Government of Albay (2011). 313 pahina
• The Lady of the Cimarrones: The Penafrancia Devotion in the Spanish Kabikolan, 1710-1898 (2010). 162 pahina.
• Villa Santiago de Libon: Kabikolan's First Spanish Citadel (2010)
• The Ateneo de Naga at Seventy: Building a Tradition of Excellence. (2010). 242 paniha.
• Libmanan: The Cradle of Bikol's Epic, Home to Bikol Patriots (2009). 176 pahina.
• Canaman Through Four Centuries, uusipon kan banwaan nin Canaman poon 1583 hanggan 1983, Goldprint Publishing Co. (2008), 129 pahina
• Recuerdos de Mi Colegio, sarong historical coffee-table book manonongod sa Universidad de Santa Isabel
• Naga: The Birth and Rebirth of a City, kapwa-parasurat: Jose Fernando P. Obias, LGU Naga (2003), 178 pahina
• From Epic to History: A Brief Introduction to Bicol History. Ateneo de Naga (1988), 223 pahina.

Papel

• Folk Memory and Colonial Discourse: House Construction and the Rise of Catholic Family in the Rural Philippines (1600 – 1850)
• The Pre-Hispanic World of Naga. Nakalakip sa, "Camarines by the Vicor River: A compilation of Articles On Bikol History and Culture". 1999. The Office of the Governor. Province of Camarines Sur. pahina 11-19.
• The Early Evangelization of the Bikol Region (1569-1598). Nakalakip sa, "Camarines Sur by the Vicor River..." pahina 41-49.
• The Creation of the Province of Camarines Sur (May 27, 1579). Nakalakip sa, "Camarines Sur by the Vicor River..." pahina 50-57.
• Canaman: Birth and Growth of a Town. Nakalakip sa, "Camarines Sur by the Vicor river..." pahina 58-67.
• The History of Education in Kabikolan. Nakalakip sa, "Camarines Sur by the Vicor River..." pahina 79-86.
• Abaca Industry in Bikol in the 19th Century. Nakalakip sa, "Camarines Sur by the Vicor River..." pahina 87-95.
• A Brief History of Bikol Research in Spain (binasa sa sarong tiripon)
• The Galleon Trade (Binasa sa National Conference on Bikol History and Culture, Okt. 21-23, 2009)

Mga pigsusurat na libro

• Typhoons in Kabikolan (1600-1850): Cultural Construction and Institutional Intervention

Mga hihilngan

• Profiles of “Hotshots” Awardees
• 17th-century artistry in Naga church artifacts
• The vanishing identity of the Agta people

Toltolan

Mga panluwas na takod

• Lista kan mga paratokdo sa Ateneo de Naga na Unibersidad